हतियारसहित तीन जना पक्राउ

सुरक्षा/अपराध

नेपाल लाइभ शनिबार, कात्तिक ४, २०८० १७:४८

काठमाडौं– मोरङबाट प्रहरीले हतियारसहित तीन जनालाई पक्राउ गरेको छ।

मोरङको धनपालथान गाउँपालिका–२ पैठास्थित रोकिराखेको स्कार्पियो गाडीमा लुकाईछिपाई हतियार राखेका तीन जनालाई प्रहरीले पक्राउ गरेको हो।

शुक्रबार राति साढे ९ बजेतिर कर्सियाको भित्री सडकमा रोकिराखेको उक्त स्कार्पियोलाई प्रहरी चौकी अमाहीबरियाती र सशस्त्र प्रहरी बल नेपालको प्रस्तावित सीमा सुरक्षा गुल्म सोराभागबाट संयुक्त रुपमा खटिएको प्रहरी टोलीले चेकजाँच गर्ने क्रममा उक्त गाडीको ड्यासबोर्डभित्र कपडामा बेरेर राखेको कुटवा पेस्तोल एक थान र तीन राउण्ड गोली फेला पारेको थियो।

स्कार्पियो चालकसमेत रहेका सर्लाहीको हरिपूर्वा नगरपालिका–७ का २७ वर्षीय रविन्द्रकुमार यादवलाई नियन्त्रणमा लिइएको थियो। उक्त गाडीमा सवार २० वर्षीय कमलेशकुमार यादव र महोत्तरीका राम दयाल यादव फरार भएका थिए।

उनीहरु दुवै जनालाई धनपालथान गाउँपालिका–३ दशगजा क्षेत्रबाट शनिबार पक्राउ गरिएको जिल्ला प्रहरी कार्यालय मोरङले जनाएको छ। उनीहरुमाथि अनुसन्धान भइरहेको प्रहरीले बताएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

माइती नेपाललाई एक करोड रुपैयाँ दिने प्रधानमन्त्री ओलीको घोषणा

नेपाली र भारतीय सेनाको संयुक्त अभ्यास सूर्यकिरण सम्पन्न

जापानमा ६.८ म्याग्निच्युडको भूकम्पपछि सुनामीको चेतावनी