८ वर्षीय छोराको हत्यामा संलग्न भएको आरोपमा फरार रहेका बुवा पक्राउ

सुरक्षा/अपराध

नेपाल लाइभ बिहीबार, कात्तिक २, २०८० २०:५२

डडेल्धुरा– डडेल्धुरामा ८ वर्षीय छोरा भरत बोहराको हत्या गरी खाडलमा पुर्ने कार्यमा संलग्न रहेका बुवा पक्राउ परेका छन्।

छोराको हत्या गरि फरार रहेका जिल्लाको आलिताल गाउँपालिका–८ पल्टेगुडीका गजेन्द्र बोहरालाई प्रहरीले पक्राउ गरेको हो।

फरार प्रतिवादी बोहरालाई घरबाटै पक्राउ गरिएको डडेल्धुराका प्रहरी नायब उपरीक्षक दिपककुमार कार्कीले जानकारी दिए। छोरा भरतको हत्या गर्न लगाएको भन्दै उनी फरार प्रतिवादीको सूचीमा थिए।

बोहरालाई असोज ३० गते प्रहरीले उनकै घरबाट पक्राउ गरेको डडेल्धुरा प्रहरी कार्यालयका सूचना अधिकारी कुसुम नायकले बताए ।

२०७९ पौष ३० मा घरेलु हिंसाका कारण भरतले ज्यान गुमाउनु परेको थियो। आमा कलमति र सौतेनी आमा जानकीको निरन्तरको कुटपिटबाट मृत्यु भएका उनलाई खाल्डोमा पुरिएको अवस्थामा प्रहरीले उत्खनन गरेर शव निकालेको थियो।

भरतको हत्या योजनाकार गजेन्द्र नै रहेको बताइएको छ। रोजगारको सिलसिलामा भारत रहेका गजेन्द्रले जेठी श्रीमती कलमतिलाई ‘म घरमा आउँदा सम्म तेरो छोरा नमारे तँलाई मार्ने’ भन्दै धम्काउने गरेको भन्दै कलमतिले बयान दिएकी थिइन्।

कलमति र जानकी पुर्पक्षका लागि जिल्ला कारागार डडेल्धुरामा रहेका छन्। मृतक बालक भरत आलितालको समैजी आधारभूत विद्यालयमा कक्षा १ मा अध्यययनरत थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

माइती नेपाललाई एक करोड रुपैयाँ दिने प्रधानमन्त्री ओलीको घोषणा

नेपाली र भारतीय सेनाको संयुक्त अभ्यास सूर्यकिरण सम्पन्न

जापानमा ६.८ म्याग्निच्युडको भूकम्पपछि सुनामीको चेतावनी