कोशीको घटनालाई लिएर छलफल गर्न सभापति देउवाले बोलाए उप–सभापति र महामन्त्रीहरुलाई

राजनीति

नेपाल लाइभ सोमबार, असोज २९, २०८० १४:०७

काठमाडौं– कांग्रेस सभापति शेरबहादुर देउवाले कोशी प्रकरणपछि उप–सभापति र महामन्त्रीहरुसँग छलफल गर्ने भएका छन्। देउवाले उप–सभापति र महामन्त्रीहरुलाई सोमबार दिउँसो छलफलका लाागि बोलाएका छन्।

कोशीमा संस्थापनको निर्णयविरुद्ध एमालेसँग मिलेर कांग्रेस सांसद केदार कार्की मुख्यमन्त्री बनेका छन्। सो घटनाले कांग्रेसको आन्तरिक राजनीतिमा तरंग ल्याएको छ। सोही विषयमा छलफल गर्न सभापति देउवाले शीर्ष नेताहरुलाई डाकेको बैठकमा सहभागी हुनगइरेहका एक नेताले बताए।

यस्तै, आजै पूर्णबहादुर खड्का नेतृत्वको महासमिति बैठक तयारी समितिको पनि बैठक बस्दैछ। सभापति देउवाले सो विषयमा पनि छलफल गर्न सक्ने ती नेताले बताए।

आजको बैठकमा उप–सभापति खड्का र महामन्त्रीद्वय विश्वप्रकाश शर्मा र गगन थापा सहभागी हुँदैछन्। अर्का उप–सभापति तथा सरकारका कानुनमन्त्री धनराज गुरुङ भने विदेशमा रहेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अध्यादेशमार्फत् संवैधानिक निकायमा नियुक्त ५२ जनाको नियुक्तिविरुद्धको सुनुवाइ हुदै

लागूऔषध सहित २ जना पक्राउ

स्वदेशमै उपलब्ध अवसरको उपयोग गर्नुपर्नेमा उपप्रधानमन्त्री सिंहको जोड