तीन पालिकाका एउटै हाकिम: भन्छन्– कागजात सदरमुकाम ल्याउनुस् काम गरिदिन्छु

समाचार

ललित बोहरा शनिबार, असोज २७, २०८० २१:०६

बैतडी– बैतडीमा एकै हाकिम अर्थात् प्रमुख प्रशासकीय अधिकृतलाई तीन पालिकाको जिम्मेवारी दिइएको छ।

संघीय मामिला तथा सामान्य प्रशासन मन्त्रालय सिंहदरबार, काठमाडौंले प्रशासन समूहका शाखा अधिकृत अर्थात ७ औं तहको सुर्नया गाउँपालिकाका प्रमुख प्रशासकीय अधिकृत रघुनाथ अवस्थीलाई तेस्रो स्थानीय तह डिलाशैनी गाउँपालिकाको पनि जिम्मेवारी दिइएको हो।

योसँगै अवस्थीलाई जिल्लाको सिगास गाउँपालिकामा थप जिम्मेवारी गर्ने गरी पत्र पठाएको तेस्रो दिन नै थप डिलाशैनी गाउँपालिका हेर्ने जिम्मेवारी दिएको छ। सुर्नया गाउँपालिकामा प्रमुख प्रशासकीय अधिकृतको रूपमा कार्यरत अवस्थीलाई बैतडीकै हुन्।

392807625_2609865755833832_712746550300372981_n1697296853.jpg

शुक्रबार मन्त्रालयले पठाएको पत्रमा अवस्थीलाई सुर्नया गाउँपालिकाको कामकाजमा बाधा नपर्नेगरी प्रमुख प्रशासकीय अधिकृत हाजिर नहुँदासम्म डिलाशैनी गाउँपालिकाको आर्थिक तथा प्रशासनिक कार्यसहितको जिम्मेवारी दिएको उल्लेख गरिएको छ।

बैतडीका गाउँपालिकाहरुमा भदौमा खटाएका नयाँ प्रमुख प्रशासकीय अधिकृतहरूको २० दिन नपुग्दै सरुवा गरेपछि अहिले पालिकाहरू प्रमुख प्रशासकीय अधिकृतविहीन भएका छन्।

सुर्नया गाउँपालिकाका प्रमुख प्रशासकीय अधिकृत अवस्थीलाई सुर्नयासँगै सिगास र डिलाशैनी गाउँपालिकाको थप जिम्मेवारी प्राप्त भएको छ। एकैजनालाई तीनवटा गाउँपालिकाको जिम्मेवारी बहन गर्दा समस्या हुने बताइएको छ।

के भन्छन् अवस्थी?
बैतडीको डिलासैनी र सिगास गाउँपालिका भौगोलीक रुपमा टाढा छन्। ८ दिनमै डिलाशैनीबाट प्रमुख प्रशासकीय अधिकृत सरुवा भएका छन् भने सिगासबाट पनि छोटो समयमै सरुवा भएपछि आर्थिक तथा प्रशासनिक कामकाजमा समस्या भएको स्थानीय तहले जानकारी दिए।

सिगास गाउँपालिकामा थप जिम्मेवारी केही समय बहन गर्न सकिने सहमति अनुसार दिएको तीन स्थानीय तहका प्रमुख प्रशासकिय अधिकृत अवस्थीले बताए।

387878190_1089485142426476_6714134762421347903_n1697296853.jpg

डिलासैनीमा पनि कर्मचारीको तलब भत्ता खुवाउन समस्या भएकाले सङ्‍घीय मामिला तथा सामान्य प्रशासन मन्त्रालयले फोन गरेर जान भनेपछि ‘ठीक छ’ भनेको उनले बताए। ‘सिगासमा केही समयको लागि भनिएको थियो मैले हुन्छ भनेको हो। पछि मन्त्रालयबाट फोन आयो डिलासैनी पनि तबल खुवाउनसम्म गर्नु पर्छ भन्यो सकिँदैन भनेको पत्र आइहाल्यो,’ अवस्थीले भने, ‘फोन आएको थियो डिलासैनीबाट तलब भत्ताका कागजपत्र ल्याउन भनेको छु, त्यहाँ जान त सकिँदैन, धेरै टाढा हो सिगास, सुनर्या र डिलासैनी सकिन्छ त।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।