काठमाडौं– एसीसी मेन्स एसिया कप राइजिङ स्टार्स २०२६ अन्तर्गत भारत ‘ए’ र पाकिस्तान ‘ए’बीचको खेलमा पाकिस्तानले ३१४ रनको लक्ष्य दिएको छ ।
कतारको दोहास्थित वेस्ट इन्ड पार्क इन्टरनेसनल क्रिकेट रंगशालामा टस जितेर पहिले ब्याटिङ गरेको पाकिस्तान ‘ए’ले ५० ओभरमा सबै विकेट गुमाएर ३१३ रन बनायो ।
पाकिस्तानका हसन नवाजले सर्वाधिक ७९ रन बनाए । माज सदाकतले ५९ तथा फरहान युसुफले ४८ बलमा ५६ रन जोडे । ओपनर शमिल हुसेनले ३३ रन बनाए ।
भारतका प्रिन्स यादव, हर्षित राणा, सूर्यांश शेड्गे र विपराज निगमले समान २ विकेट लिए ।
अब भारत ‘ए’ले जितका लागि ५० ओभरमा ३१४ रन बनाउनुपर्नेछ ।
यस खेलको टसका क्रममा अर्को दृश्य पनि चर्चामा रह्यो । दुवै टोलीका कप्तान पाकिस्तानका अब्दुल समद र भारतका तिलक वर्माले एकअर्कासँग हात मिलाएनन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।