काठमाडौं– बसन्तपुरस्थित आफ्नो भोगाधिकारको जग्गामा काठमाडौं महानगरपालिकाले गणेश र भैरवको मूर्ति शिलान्यास गरेपछि ललितकला क्याम्पसले आपत्ति जनाएको छ ।
क्याम्पस प्रमुख डा. यामप्रसाद शर्माले त्रिभुवन विश्वविद्यालयका रजिस्ट्रारलाई पत्र लेख्दै उक्त जग्गामा भइरहेको निर्माण कार्य रोक्न र कानुनी संरक्षण सुनिश्चित गर्न माग गरेका छन् ।
क्याम्पसले मूर्ति स्थापना र धार्मिक आस्थाप्रति आफ्नो विरोध नरहेको स्पष्ट पारे पनि शैक्षिक प्रयोजनका लागि प्राप्त जग्गा कानुनी प्रक्रिया र उचित सोधभर्नाविना अन्य प्रयोजनमा प्रयोग गर्न नमिल्ने जनाएको छ ।
महानगरपालिका, वडा नम्बर २३ र पुरातत्त्व विभागका अधिकारीको मिलेमतोमा जग्गामा अनधिकृत शिलान्यास गरिएको क्याम्पसको आरोप छ । एकतर्फी निर्माण कार्य नरोकिए कानुनी उपचार खोज्ने चेतावनीसमेत क्याम्पसले दिएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।