मधेश प्रदेशमा सशस्त्र प्रहरीद्वारा ६ महिनामा २४ करोड बढी अवैध सामान नियन्त्रणमा

सुरक्षा/अपराध

नेपाल लाइभ सोमबार, असोज २२, २०८० १४:१२

काठमाडौं- सशस्त्र प्रहरी बल नेपालले मधेश प्रदेशका जिल्लाहरूमा ६ महिनाको अवधिमा २४ करोड रुपैयाँभन्दा बढीको अवैध सामान नियन्त्रणमा लिएको छ। २०७९ चैतदेखि २०८० भाद्र १५ गतेसम्म सशस्त्र प्रहरी बल नेपाल नं. २ छिन्नमस्ता बाहिनीको मुख्यालय महोत्तरी तथा मातहतका इकाईले उक्त रकम बराबरको सामान बरामद गरेका हुन्।

सो अवधिमा २० करोड ७७ लाख रुपैयाँ बराबरको चोरीपैठारीको किराना सामान, लत्ताकपडा, मोटर पार्ट्स, सवारी साधन लगायतका सामान नियन्त्रणमा लिइएको जानकारी सशस्त्रले दिएको छ। यसैगरी १ करोड १ लाख ४४ हजार रुपैयाँ बराबरको पशुचौपाया, स्रोत नखुलेको ९९ लाख ४ हजार नेपाली र २८ लाख १७ हजार भारतीय रुपैयाँ बरामद गरिएको थियो।

सशस्त्रका अनुसार सोही अवधिमा ७९ लाख ४२ हजार ६ सय ५० रुपैयाँ बराबरको करिब २ हजार ८ सय १३ क्युफिट काठ र ८ लाख ४८ हजार ५ सय ५३ रुपैयाँ बरारको सुन तथा चाँदी बरामद भएको छ।

यसैगरी करिब १ हजार ३ किलो गाँजा, ३७.७१ किलो चरेस, ५ हजार ७ सय ७ वटा नर्फिन, फेनार्गन, डाईजेपाम, कोरेक्स, सिरिन्ज, नाईट्रोभेटलगायतका लागुऔषध बरामद भएको छ। ४ नाल हतियार, २० वटा गोली, २ वटा म्याग्जिन र १२ वटा कार्टिज बरामद गरेको छ।

यही अवधिमा भारतमा बेचबिखन गर्न लागिएका २० जना नेपाली चेलीबेटीको उद्धार गर्नुका साथै उक्त कार्यमा संलग्न १ सय १० जनालाई पनि पक्राउ गरिएको छ।

चोरीपैठारीलगायत कार्यमा प्रयोग भएका ६ सय ४६ वटा विभिन्न कम्पनीका सवारीसाधन समेत बरामद गरी भन्सार दाखिला गरेको जानकारी सशस्त्रले दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

विपिनको रिहाइबारे कतारका विदेश राज्यमन्त्रीसँग परराष्ट्रमन्त्री राणाको फोनवार्ता

गाजा वार्ताको ‘अन्तिम चरण’ मङ्गलबार कतारमा सुरु हुने

संसदमा विचाराधीन विधेयक फिर्ता लिएर अध्यादेशमार्फत ‘बजेट क्यालेण्डर’ संशोधन