काठमाडौं– पुल्चोक क्याम्पसले इन्जिनियर अध्ययन गर्ने विद्यार्थीहरुको भविष्यमाथि खेलबाड गरेको अखिल क्रान्तिकारीका उपाध्यक्ष जीपी मैनालीले आरोप लगाएका छन्। क्याम्पसले प्रवेश परीक्षा रोकेर करिब १५ हजार बढी विद्यार्थीको भविष्यमाथि खेलबाड गरेको आरोप मैनालीले लगाए।
मंगलबार पुल्चोक क्याम्पसका ६ जना विभागीय प्रमुखहरुले साझा विज्ञप्ति निकाल्दै विद्यार्थी संगठनहरुलाई क्याम्पस चलाउ भनेकाले त्यसको प्रतिवाद गर्नुपरेको मैनालीले बताए। उनले भने, ‘यो इन्जिनियरिङ अध्ययन संस्थान हो कि एकान्तकुनाको यातायात कार्यालय?,’ क्याम्पसका विभागीय प्रमुखहरुले विज्ञप्ति निकालेर विद्यार्थी संगठनहरुलाई क्याम्पस चलाउ भनेपछि आक्रोशित हुँदै उनले विभागीय प्रमुखहरुको भूमिका बस व्यवसायी संघ समितिका सदस्यहरुको जस्तो व्यवहार देखिएको बताए।
शुल्क वृद्धिको विषयमा पुल्चोक क्याम्पसमा अहिले विवाद भइरहेको छ। आईओई प्रशासन प्रणालीले महिनौंदेखि समस्या हल नगर्दा समस्या देखिएको विद्यार्थीहरुले बताएका छन्।
लामो समयदेखि शुल्क वृद्धिसँग सम्बन्धी विवादमा अल्झिएको आईओईले यो वर्ष प्रवेश परीक्षा सञ्चालन गर्न धेरै विद्यार्थीहरुको भविष्य अन्योल बनेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
