राप्रपाले केन्द्रीय सदस्य पनेरु सहितलाई गर्‍यो कारबाही

राजनीति

नेपाल लाइभ मंगलबार, असोज १६, २०८० ११:१४

काठमाडौं- राष्ट्रिय प्रजातन्त्र पार्टी (राप्रपा) ले केन्द्रीय सदस्य नवराज पनेरू (राजु) र कृष्ण घिमिरे लगायतलाई अनुशासनको कारबाही गरेको छ। सोमबार बसेको केन्द्रीय कार्यसम्पादन समिति बैठकले पार्टी हित र स्वार्थमा आघात पुग्ने गरी कार्य गरेको भन्दै कारबाहीको निर्णय गरेको प्रवक्ता मोहन श्रेष्ठले बताए। पनेरु झापाबाट केन्द्रीय सदस्य भएका हुन्।

यस्तै मोरङ जिल्ला कार्यसमितिका पूर्व प्रवक्ता घिमिरेलाई कारबाही स्वरुप निलम्बन गरिएको छ। राप्रपा प्रवक्ता श्रेष्ठका अनुसार कोशी प्रदेश सरकारबारे निर्णय लिने अधिकार पनि पार्टी अध्यक्ष राजेन्द्र लिङ्देनलाई दिइएको छ। कोशी प्रदेशमा केही दिनमा एमाले हिक्मतबहादुर कार्कीले विश्वासको मत लिनेछन्।

हालसम्म राप्रपा कोशीको सरकारमा सहभागी भएको छैन। कार्कीले विश्वासको मत पाउन नसकेमा सरकार स्वत: ढल्नेछ। कार्कीको सरकार विघटन भएमा संविधानको धारा १६८ को उपधारा ५ अनुसारको सरकार बनाउनुपर्नेछ। उक्त उपधारा अनुसार पनि सरकार गठन हुन सकेन भने प्रदेश सभा विघटन हुन्छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

देवघाटमा सञ्चालित महामहोत्सव सम्पन्न, २० करोड भन्दा बढी रकम सङ्कलन

काश्मीर सीमामा भारत र पाकिस्तानबीच गोली हानाहान

२६७८ अंकमा झर्‍यो सेयर बजार