काठमाडौं– दाङमा यात्रुवाहक बस दुर्घटना हुँदा १४ जना यात्रु घाइते भएका छन्।
पोखराबाट सुर्खेत जाँदै गरेको ग १ ख ८४८५ नम्बरको यात्रुवाहक बस सोमबार बिहान दाङको लमही नगरपालिका–४ बगइसोतामा दुर्घटनामा परेको हो।
प्रहरीका अनुसार बसमा १६ जना यात्रु थिए। बस अनियन्त्रित भएर सडकबाट करिब १० मिटर तल खसेको थियो।
दुर्घटनामा घाइते भएका १४ जनाको लमही अस्पतालमा उपचार भइरहेको जिल्ला प्रहरी कार्यालय दाङले जानकारी दिएको छ। १६ जना यात्रुमध्ये २ जना भने सकुशल रहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
