एमाले कोशी प्रदेश अधिवेशन– मतदान सकियो, मतगणना सोमबार नै सक्ने तयारी

राजनीति

नेपाल लाइभ सोमबार, असोज १५, २०८० ०८:२५

काठमाडौं– नेकपा एमाले कोशी प्रदेश अधिवेशनअन्तर्गत नयाँ नेतृत्व चयनका लागि भएको मतदान सोमबार सकिएको छ। आइतबार राति १० बजदेखि सुरु भएको मतदान सोमबार बिहान ५ बजे सकिएको प्रमुख निर्वाचन अधिकृत चुडामणि आचार्यले जानकारी दिए।

अधिवेशनमा ९९७ प्रतिनिधि रहेकामा ९७७ जनाले मतदान गरेका जनाइएको छ।

अधिवेशनले २१५ सदस्यीय प्रदेश कमिटीमा १ अध्यक्ष, १ उपाध्यक्ष, १ सचिव र २ उपसचिवसहितका पदाधिकारी र सदस्यहरू निर्वाचित गर्नेछ। पदाधिकारीसहित ११६ पदका लागि निर्वाचन भएको हो।

अध्यक्षमा मोरङका घनश्याम खतिवडा र विनोद ढकाल उम्मेदवार छन्। उपाध्यक्षमा भने धनुकटाका टीकाराम चेम्जोङ निर्विरोध निर्वाचित भइसकेका छन्।

सचिवमा उदयपुरका शैलेश लामा र पाँचथरका राजकुमार भण्डारी उम्मेदवार छन्। २ जना उपसचिवका लागि ३ जनाको उम्मेदवारी परेको छ। खोटाङका देवान राई, मोरङका खेम नेपाली र झापाकी जलवर्षा राजवंशी उपसचिवको उम्मेदवार छन्।

निर्वाचन समितिले सोमबार नै मतगणना सक्ने तयारी गरिएको जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

महाशिवरात्रि मूल समारोह समिति गठन

खाना नपकाएको निहुँमा पति र छोराले बन्दुक देखाउँदै लखेटेपछि गुहार माग्दै दौडिइन् सुनकुमारी

बाबुराम भट्टराई नेसपा (नयाँ शक्ति) अध्यक्ष निर्वाचित