काठमाडौं– विसं २०७९को मदन पुरस्कार विवेक ओझाको ‘ऐँठन’लाई दिइने भएको छ।
आइतबार बसेको मदन पुरस्कार गुठीको बैठकले ‘ऐँठन’लाई मदन पुरस्कार र टेकवीर मुखियालाई जगदम्बाश्री पुरस्कार दिने घोषणा गरेको हो।
मदन पुरस्कारको श्रेष्ठ सूचीमा पाँचमा कृति छनोट भएका थिए। ओझाको ‘ऐँठन’सहित सुबिन भट्टराईको ‘इजोरिया’, द्वारिकानाथ ढुंगेलको ‘चक्रव्यूहमा नेपालको जलस्रोत’, प्रगति राईको ‘थाङ्ग्रा’ र सञ्जय विष्टको ‘माटाको घर’ परेका थिए।
श्रेष्ठ सूचीबाट ओझाको ‘ऐँठन’लाई पुरस्कार दिने घोषणा गरिएको मदन पुरस्कार गुठीका अध्यक्ष कुन्दमणि दीक्षितले बताए।
मदन र जगदम्बाश्री दुवै पुरस्कारको राशी ४/४ लाख रहेको छ।
‘ऐँठन’ माओवादी विद्रोहको वेला नेपाली समाजले भोगेको घटनाको विषयमा आधारित उपन्यास हो। विवेकको यसअघि ‘ऐलानी’ उपन्यास प्रकाशित छ।
जगदम्बा पुरस्कार घोषणा गरिएका टेकवीरले लामो समयदेखि व्यंग्य चित्रमा योगदान दिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
