गणतन्त्रवादी नेता खेमराज भट्ट ‘मायालु’ को निधन

समाचार

नेपाल लाइभ शुक्रबार, असोज ५, २०८० १०:१२

काठमाडौं- पूर्वसांसद खेमराज भट्ट ‘मायालु’को ७६ वर्षको उमेरमा निधन भएको छ। वीर अस्पतालमा क्यान्सरको उपचार गराइरहेका ‘मायालु’ को उपचारकै क्रममा बिहीबार राति निधन भएको उनका भाइ छविलाल भट्टले जानकारी दिए।

गणतन्त्रवादी नेताका रूपमा परिचित नेता मायालु २०५६ सालमा बर्दिया क्षेत्र नम्बर ३ बाट नेपाली कांग्रेसको तर्फबाट प्रतिनिधि सभा सदस्यमा निर्वाचित भएका थिए।

विसं २००४ मा डडेल्धुराको डुङरी भन्ने ठाउँमा जन्मिएका मायालुले नेपाल विद्यार्थी सङ्घबाट राजनीतिक यात्रा सुरु गरेका थिए। पछि उनी रामराजाप्रसाद सिंहसँगै रहेर नेपालमा गणतन्त्र स्थापना गर्नका लागि आन्दोलन होमिएका थिए।

विसं २०४२ को बम काण्डपछि तत्कालीन सरकारले उनको सम्पत्ति सर्वश्वहरण गरेपछि १२ वर्ष भारतमा निर्वासित जीवन बिताएका थिए। उनका दुई छोरा छन्। श्रीमतीको यसअघि नै मिर्गौला रोगका कारणबाट निधन भइसकेको छ। उनको पशुपति आर्यघाटमा अन्त्येष्ट गरिनेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सर्लाहीमा ट्याक्टर र मोटरसाइकल ठोकिँदा दुईजनाको मृत्यु

आज राष्ट्रिय एकता तथा मेलमिलाप दिवस मनाइँदै

‘शून्य बजेटले देउडा गुञ्जिन्छ कर्णालीमा’