महेन्द्रनगर– सडकमा हिँड्ने सर्वसाधारणलाई कुटपिट गरी लुटपाट गरेको आरोपमा कञ्चनपुर प्रहरीले २ जनालाई पक्राउ गरेको छ।
पक्राउ पर्नेमा कञ्चनपुरको बेदकोट नगरपालिका–२ दैजीका २७ वर्षीया राजु डगौरा र २२ वर्षीय कमल चौधरी छन्। प्रहरीका अनुसार उनीहरुले बुधबार साँझ शुक्लाफाँटा नगरपालिका–५ स्थित अर्जुनी जंगलमा बुधबार साँझ २ जनामाथि आक्रमण गरी लुटपाट गरेका थिए।
उनीहरुले शुक्लाफाँटा नगरपालिका-५ बस्ने ४० वर्षीय अम्बादत्त जोशी र उनकी बहिनी द्रोपती जोशीमाथि कुटपिट गरेका थिए। गड्डाचौकीबाट जर्सी गाई ल्याएर घरतर्फ आइरहेको अवस्थामा चौधरी र डगौराले जोशी दाजु–बहिनीमाथि आक्रमण गरेका जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक प्रकाश डाँगीले जानकारी दिए।
उनीहरु द्रोपतीले घाँटीमा लागाएको ८ आनाको तिलहरी, मोबाइल लुटेर फरार भएका थिए। दुवै जनालाई इलाका प्रहरी कार्यालय झलारीको टोलीले पक्राउ गरेको हो।
उनीहरुको कुटपिटबाट अम्बादत्तको हात र खुट्टामा चोट लागेको बताइएको छ। उनको स्थानीय स्वास्थ्य संस्थामा उपचार भइरहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1771592819.png)
