काठमाडौं- अमेरिकी विदेश मन्त्री एन्टोनी ब्लिङ्कनले नेपालको संविधान दिवसको अवसरमा शुभकामना व्यक्त गरेका छन्। संविधान दिवस २०८० को अवसरमा एक विज्ञप्ति जारी गर्दै ब्लिङ्कनले शुभकामना दिएका हुन्।
ब्लिङ्कनले शुभकामना दिँदै यो क्षण नेपालका उपलब्धिहरुलाई मान्यता दिने अवसर रहेको उल्लेख गरेका छन्।
‘संयुक्त राज्य अमेरिकाको तर्फबाट नेपालको संविधान दिवसको अवसरमा म नेपाली जनतालाई हार्दिक बधाई दिन चाहन्छु। यो नेपालका उपलब्धिहरू र हामीबीचको स्थायी मित्रतालाई मान्यता दिने क्षण हो,’ ब्लिङ्कनले जारी गरेको विज्ञप्तिमा उल्लेख छ।
साथै विदेश मन्त्री ब्लिङ्कनले नेपाल र अमेरिका बीचका सम्बन्ध थप मजबुत हुने विश्वास व्यक्त गरेका छन्।
‘हामी यो विशेष दिन मनाउने क्रममा, हाम्रा दुई राष्ट्रहरूबीच शान्ति, सहयोग र पारस्परिक समृद्धिलाई प्रवर्द्धन गर्ने यी अमूल्य आधारहरुप्रति प्रतिबद्धता पुनर्जागरण गर्न चाहान्छौँ,’ ब्लिङ्कनले जारी गरेको विज्ञप्तिमा उल्लेख छ, ‘संयुक्त राज्य अमेरिकाको जनता र सरकारको तर्फबाट यस विशेष अवसरमा सम्पूर्ण नेपालीहरूमा हार्दिक शुभकामना व्यक्त गर्दछु।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
