काठमाडौं– नेपाल राष्ट्र बैंकको पछिल्लो तथ्यांकले रेमिट्यान्समा उल्लेख्य सुधार भएको देखिएको छ। राष्ट्र बैंकले चालू आर्थिक वर्षको पहिलो महिनाको अवस्था सार्वजनिक गर्दै यस्तो दाबी गरेको हो।
राष्ट्र बैंकको तथ्यांक अनुसार साउन महिनामा १ खर्ब १६ अर्ब २ करोड रेमिट्यान्स भित्रिएको छ। गतवर्ष साउनमा ९२ अर्ब २१ करोड रुपैयाँ र अमेरिकी डलरमा ७२ करोड ४० लाख डलर भित्रिएको थियो।
उक्त अवस्थावाट सुधार भएको राष्ट्र बैंकको दाबी छ। गतवर्ष नेपाली मुद्रामा २०.३ प्रतिशतले बढेको रेमिट्यान्स अमेरिकी डलरमा १२.५ प्रतिशतले थियो। चालू आर्थिक वर्षको साउन महिनामा अमेरिकी डलरमा विप्रेषण आप्रवाह २१.५ प्रतिशतले वृद्धि भइ ७ करोड ९ लाख डलर पुगेको हो।
रेमिट्यान्स आप्रवाहमा भएको ऐतिहासिक वृद्धिले विदेशी मुद्राको सञ्चिती बढ्नुको साथै शोधनान्तर स्थिति बचतमा गएको छ। राष्ट्र बैंकका अनुसार गत साउनको तुलनामा विप्रेषण आप्रवाह नेपाली रुपैयाँमा २५.८ प्रतिशत र अमेरिकी डलरमा २१.५ प्रतिशतले बढेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1752504514.jpg)
-1752390485.png)
-1749826086.png)
