प्रकाश सपुतको नयाँ गीत ‘जाले रुमाल फाट्यो’ सार्वजनिक

सिनेमा

नेपाल लाइभ आइतबार, भदौ २४, २०८० १५:५०

काठमाडौं– प्रकाश सपुतले नयाँ गीत ‘कुरो बुझ्नु पर्च २’ बजारमा ल्याएका छन्। गीति भिडिओको दोस्रो भागको नाम ‘जाले रुमाल फाट्यो’ दिइएको छ।

अघिल्लो भागमा मनमाया (स्वस्तिमा खड्का) र फूलमाया (आँचल शर्मा) को साहसको कथा समावेश गरिएको छ।

दोस्रो भागमा फूलमायाले आत्महत्या गरेको विषयलाई उठाइएको छ। डाक्टर बन्ने सपना साँचेकी फूलमाया विश्वकर्माले किन आत्महत्याको बाटो रोजिन्? साथी मनमाया त्यसकै खोजी गर्नका लागि प्रहरीमा भर्ति हुन्छिन्।

त्यो हत्या नभई आत्महत्या भएको कुरा प्रहरी बनेकी मनमायाले पत्ता लगाउँछिन्। फूलमायाको हत्यारालाई मनमायाले सजाय दिलाउँछिन्।

जातीय विभेद र त्यसले एउटी नारीमाथि गरेको अन्यायबारे भिडिओमा देखाउन खोजिएको छ। गीतमा गायिका समीक्षा अधिकारीको स्वर सुन्न सकिन्छ।

गीतको शब्द तथा संगीत प्रकाश सपुतको छ। भिडिओलाई प्रकाश सपुतले नै निर्देशन गरेका छन्।

भिडिओमा प्रकाश, स्वस्तिमा र आँचलसँगै गौरव पहरी, विशाल पहरी, पुष्पा अवस्थी, रोमा विष्ट लगायतका कलाकारको अभिनय छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

परराष्ट्रमन्त्री डा राणा स्वदेश फिर्ता

शेख हसिनालाई फिर्ता पठाउन भारतलाई बङ्गलादेशको आग्रह

फूलचोकी जंगलमा हराएका १३ जना भेटिए