गोकर्णेश्वर नगरपालिकाको सुन्ताखानमा पास्नीको भोज खाँदा गाउँ नै बिरामी

समाचार

नेपाल लाइभ शनिबार, साउन २७, २०८० ०९:०२

काठमाडौं– गोकर्णेश्वर नगरपालिकाको सुन्ताखानमा पास्नीको भोज खाँदा एकै गाउँका ४० जनाभन्दा बढी बिरामी परेका छन्। गत सोमबार एक स्थानीयको घरमा आयोजित पास्नीको भोज खान गएका गाउँले सबै बिरामी परेका हुन्।

भोज खाएर फर्किएका उनीहरुमा निरन्तर पेट दुख्ने, छाडापखाला चल्ने, वान्ता हुने र प्रेसर लो हुने समस्या देखिएपछि अस्पताल भर्ना भएका छन्।

suntakhan (1)1691810187.jpg

गोकर्णेश्वर नगरपालिकाको नगर अस्पतालका कार्यकारी प्रमुख डा स्याङवो लामाका अनुसार शुक्रबारसम्म भर्ना हुन आएका ४० जनामध्ये ३० जनाको त्यहिँ उपचार भइरहेको छ भने १० जनाको अवस्था गम्भीर देखिएकाले टेकु रेफर गरिएको छ।

suntakhan (2)1691810186.jpg

यस्तै तीन जना बिरामी शनिबार बिहान मात्रै थपिएको नगर अस्पतालका सूचना अधिकारी टीकाराम खड्काले जानकारी दिए। बिरामी भएर अस्पताल भर्ना भएकामध्ये दुई जना भने डिस्चार्ज भएका छन्।

उनीहरुमा फूड पोइजन भएको हुनसक्ने आशंका पनि गरिएको छ। अहिले नगर अस्पतालमा डा रोशन पोखरेल र श्रीकुमार श्रेष्ठ नेतृत्वको चिकित्सकीय टोलीले बिरामीहरुको परीक्षण गरिरहेको छ। डा श्रेष्ठले कोलेराको संकेतसमेत देखिएको बताएका छन्।

suntakhan (3)1691810186.jpg

भोज खाएर बिरामी भएकाहरुको उपचार नगरपालिकाले गर्ने गोकर्णेश्वर नगरपालिकाका मेयर दीपक रिसालले बताएका छन्। यसका लागि एउटा टोली नै गठन गरेर सबै व्यवस्थापनको निर्देशनसमेत दिएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

‘मधेसको भूमिमा हिरा छन्, पहिचान गर्न बाँकी छ’

लागूऔषध सहित तीन जना पक्राउ

रेशम चौधरीलाई थुन्न अनधिकृत पत्र लेखेका सर्वोच्चका अधिकृतलाई १ लाख रुपैयाँ जरिवाना