काठमाडौं- नेपाल– चीन व्यापार तथा पारवहन सम्झौतासम्बन्धी छलफल गर्न चिनियाँ टोली भोलि(सोमबार) नेपाल आउने भएको छ। दुई देशबीच काठमाडौंमा यस विषयम तेस्रो चरणको छलफल हो।
प्रधानमन्त्री केपी ओलीको चीन भ्रमणका बेला तयारी नपुग्दा प्राटोकलमा हस्ताक्षर हुन सकेको थिएन। प्रधानमन्त्री ओलीले असार ५ गतेदेखि चीनको ६ दिने औपचारिक भ्रमण गरेका थिए। उद्योग वाणिज्य तथा आपूर्ति मन्त्रालयका सहसचिव रविशंकर सौजुले भोलि चिनियाँ टोली काठमाडौं आइपुग्ने जानकारी दिएका हुन्।
सौजुुले दुवै पक्षबीच प्रोटोकलका विषयमा छलफल हुने बताएका छन्। ‘चिनियाँ पक्षसँग हुने व्यापार तथा पारवहन सम्झौता सम्बन्धी छलफल गर्न चिनियाँ पक्ष सोमबार काठमाडौँ आउने छुुुु, सहसचिव सैंजुले भने। ‘यो भ्रमणबाट हामी प्रोटोकल सम्बन्धी सहमतिमा पुग्ने विश्वास लिएका छौँ’ उनले भने।
यसअघि प्रोटोकलसम्बन्धी छलफल भदौ १० र ११ गते हुने बताइएको भएपनि तयारी पूरा नहुँदा छलफल सारिएको थियो। यसअघि बेइजिङमा असार २६ र २७ मा भएको दोस्रो चरणको छलफलबाटै समहमति कायम गर्ने भनिएको भएपनि निचोडमा पुग्न सकेको थिएन।
सहसचिव सौँजुले भने, ‘हामी फिल्डमा नगई नक्सामा केन्द्रित रहेर अध्ययन गरेका थिएनौं, त्यसैले बेइजिङमा भएकाे छलफलमा सहमतिमा पुग्न सकेका थिएनौं’।
वार्तामा सहभागी कार्यदलको भूमिका प्रोटोकल सम्बन्धी सहमतिमा गर्नेमात्रै हुनेछ।कार्यदलको भूमिका प्रोटोकलमा सहमति गर्ने मात्रै हो दुवै देशका मन्त्रिपरिषद्ले पारित गरेपछि मात्रै सहमति कार्यान्वयनमा आउने सहसचिव सौंजुले बताए। तेस्रो चरणको छलफललाई नै अन्तिम बनाउने प्रयास भएको उनको दाबी रहेको छ।
प्रधानमन्त्री ओलीको २०१६ को चीन भ्रमणका क्रममा व्यापार तथा पारवाहन प्रोटोकलमा चिनियाँ पक्षसँग सहमति भएको थियो। सम्झौताको कार्याविधि नबन्दा हस्ताक्षर हुन सकेको थिएन।
प्रोटोकलमा हस्ताक्षर भएपछि नेपा लले चिनियाँ बन्दरगाहको प्रयोग गर्दै तेस्रो मुलुकसँग व्यापार गर्न सक्नेछ भने भारतसँग नेपालको पारवहन निरर्भरता घट्ने अनुमान गरिएको छ।
अहिले नेपालमा आउने चीनियाँ सामानका लागि पनि भारतीय बन्दरगाह प्रयोग गर्नुपर्ने स्थिति छ।पारवहन सम्झौता भए नेपालले चिनियाँ बन्दरगाह सहजै प्रयोग गर्न सक्नेछ।
यस्तै नेपाल र चिनियाँ नागरिकले अर्को देशमा सहज रूपमा व्यापार गर्न पाउने वातावरण निर्माण हुनेछ।
पारवहन सम्झौताका लागि वाणिज्य मन्त्रालयले तयार पारेको मस्यौदामा नेपालमा बीआरआईअन्तर्गत निर्माण हुने परियोजनाको कारोबार बैंकिङ प्रणालीमार्फत् गरिने उल्लेख छ।यस्तै मस्यौदामा दुई देशबीच व्यापार, पारवहान तथा लगानीका क्षेत्रमा समझदारी बढाउन अन्तरदेशीय संयन्त्र निर्माण गर्ने उल्लेख छ।
चिनियाँ टाली बिहिवार स्वेदश फिर्ता हुने कार्यक्रम छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775660703.png)
-1764146706.png)
-1775575666.png)
