म्यानचेस्टर सिटीलाई हराउँदै आर्सनलले जित्यो कम्युनिटी शील्डको उपाधि

फुटबल

नेपाल लाइभ सोमबार, साउन २२, २०८० ११:०७

काठमाडौं– म्यानचेस्टर सिटीलाई हराउँदै आर्सनलले कम्युनिटी शील्डको उपाधि जितेको छ। नेपाली समयअनुसार आइतबार राति पौन ९ बजे सुरु भएको खेलमा पेनाल्टी सुटआउटमा सिटीलाई हराउँदै आर्सनलले उपाधि जितेको हो।

निर्धारित ९० मिनेटको खेलमा १–१ गोलको बराबरी भएको थियो। पहिलो हाफ गोलरहित बराबरीमा सकिएकोमा दोस्रो हाफको ७७औं मिनेटमा केभिन डी–ब्रुयनाको पासमा पाल्मरले गोल गर्दै सिटीलाई अग्रता दिलाएका थिए।

निर्धारित ९० मिनेटपछि थप गरिएको ८ मिनेटको अन्तिम मिनेटमा साकाको पासमा ट्रासोर्डले हानेको प्रहार सिटीका डिफेन्जन्ड आकान्जीको घुँडामा लागेर ‘फ्लीक’ हुँदै गोल भएको थियो। खेल १–१ को बराबरीमा सकिएपछि उपाधिको छिनोफानो पेनाल्टी सुटआउटमा धकेलिएको थियो। जहाँ आर्सनलले ४–१ को नतिजा निकाल्दै उपाधि उचाल्यो।

एफए कपको विजेता र प्रिमियर लिगको विजेताबीच कम्युनिटी शील्ड कप हुँदै आएको छ। गतवर्ष सिटीले प्रिमियर लिग जितेको थियो भने आर्सनलले एफए कप जितेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

टेस्ट टोली बंगलादेशविरुद्धको टी–२० सिरिज जित्दै यूएईले रच्यो नयाँ इतिहास

म्यानचेस्टर युनाइटेडलाई हराउँदै टोटनहमले जित्यो युरोपा लिगको उपाधि

विभिन्न चार वटा समितिका बैठक बस्दै