मेसीको २ गोलमा मियामीको सानदार जित

फुटबल

नेपाल लाइभ बिहीबार, साउन १८, २०८० ११:१०

काठमाडौं- अमेरिकाको लिग्स कपमा लियोनल मेसीको क्लब इन्टर मियामीले लगातार जित निकालेको छ। मेसी आबद्ध हुनुपूर्व लगातार हार व्यहोर्दै आएको मियामीले मेसी उपस्थित ३ खेलमै जित निकालेको हो।

यसअघिका २ खेलमा पनि मेसीकै गोलमा मियामी विजयी भएको थियो। नेपाली समयअनुसार बिहीबार बिहान सम्पन्न खेलमा मेसीको २ गोलको मद्दतमा मियामीले ओर्लान्डो सिटीमाथि ३–१ को जित निकाल्यो।

खेलको ७औं मिनेटमा मेसीले गोल गर्दै मियामीलाई अग्रता दिलाएका थिए। १७औं मिनेटमा अराउजोले गोल गर्दै सिटीलाई बराबरीमा ल्याएका थिए।

पहिलो हाफ १–१ को बराबरीमा सकिएको थियो। दास्रो हाफको ५१औं मिनेटमा मियामीले पाएको पेनाल्टीमा जोसेफ मार्टिनेजले गोल गरेपछि मियामीले फेरि अग्रता बनायो।

७१औं मिनेटमा मेसीले अर्को गोल गर्दै ३–१ को जित निकाले। मेसीले मियामीका लागि ३ खेल खेल्दै ५ गोल र १ असिस्ट गरेका छन्। जितसँगै मियामी लिग्स कपको अर्को चरणमा प्रवेश गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

त्रिविको सम्पति छानबिन आयोगद्वारा प्रधानमन्त्रीलाई प्रतिवेदन हस्तान्तरण

एकीकृत समाजवादीले बनायो २४ सदस्यीय सचिवालय

सार्वजनिक लेखा समिति सभापति पोखरेलकी पत्नीविरूद्ध पक्राउ पुर्जी जारी