काठमाडौं– अभिनेता सारुक ताम्राकारले गत असार २१ गते काठमाडौंको रातोपुलस्थित घरमा आत्महत्या गरे। उनी घरको छतमा पासो लगाएर झुण्डिएको अवस्थामा फेला परेका थिए।
मृत्यु प्रकरणमा कलाकारहरूले अनुसन्धानको माग राखेका थिए। नेपाल चलचित्र कलाकार संघले विज्ञप्तिमार्फत् घटनाबारे सत्यतथ्य छानबिन गर्न आह्वान पनि गरेको थियो।
प्रहरीले मृत्यु प्रकारणबारे अनुसन्धान सुरु गरिसकेको छ। जिल्ला प्रहरी परिसर काठमाडौंका प्रवक्ता एसपी सिताराम रिजालका अनुसार सारुकको मृत्युअघिको स्टाटस र सम्बन्धित व्यक्तिहरूलाई सोधपुछ गरिरहेको छ।
‘ज्यान सम्बन्धी कसुरमा जाहेरी परेको छ। अनुसन्धान भइरहेको छ। मृत्युअघिको सारुकको स्टाटस, सम्बन्धित व्यक्तिहरूलाई सोधपुछ गरिरहेका छौँ। मालिगाउँको प्रहरीले यसको अनुसन्धान गरिरहेको छ,’ रिजालले भने, ‘डिजिटल फरेन्सिक ल्याब पनि पठाएका छौँ। रिपोर्ट आइसकेको छैन।’
सारुका त्यसदिन भने साँझतिर घरमा एक्लै रहेका थिए। उनका आमा–बुवा एउटा कार्यक्रममा सहभागी हुन घर बाहिर रहेका थिए।
सारुक पछिल्लो समय राजीव गुरुङ निर्देशित चलचित्र ‘ह्यासट्याग माया’मा कार्यरत थिए। अपराह्न ४ बजेसम्म पनि उनी चलचित्रको छायांकनमा व्यस्त रहेका थिए। छायांकन सकेर घर फर्किएका उनी साँझ मृत फेला परेका हुन्।
सारुकले ‘ईन्टु मिन्टु लण्डनमा’, ‘मेरी मामु’, ‘रानी’, ‘नमरी बाचे’ लगायत फिल्ममा काम गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
