बैतडी– तडीको मेलौलीमा बस दुर्घटना हुँदा एक जनाको मृत्यु भएको छ। मृत्यु हुनेमा पञ्चेश्वर गाउँपालिका–६ का उमेश भण्डारी रहेका छन्। दुर्घटनामा ३९ जना घाइते भएको बैतडीका डीएसपी प्रेम बहादुर शाहीले बताए।
पञ्चेश्वर गाउँपालिका–३ कुलाउदेखि महेन्द्रनगरका लागि छुटेको लु २ ख २०११ नम्बरको बस मेलौली नगरपालिका–७ स्वाखानीमा दुर्घटना भएको हो।
बस दिउँसो १ बजे दुर्घटना भई सडकबाट ४ सय मिटर तल खसेको बताइएको छ। दुर्घटनाका विषयमा थप जानकारी आउन बाँकी रहेको छ।
घटनास्थलमा इलाका प्रहरी कार्यालय पाटनका निरीक्षक कमलप्रसाद चौधरीको कमाण्डमा टोली खटिएको छ। दुर्घटनामा परी घाइते भएका ३९ जनाको उद्धार गरी केशरपुर प्राथमिक स्वास्थ्य केन्द्र मेलौलीमा पुर्याइएको शाहीले जानकारी दिए।
बस सडकबाट अन्दाजी डेढ सय मिटर तल खसेर रुखमा अड्किएको छ। बसमा कतिजना सवार थिए भन्ने कुरा अझै एकिन हुन बाँकी छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
