काठमाडौं– काठमाडौं महानगर क्षेत्रभित्रका ५०४ वटा निजी विद्यालयमध्ये ४६५ वटाले छात्रवृत्ति विवरण बुझाएका छन्। निजी विद्यालयहरुले विवरण बुझाएको महानगरको इतिहासमा यो पहिलोपटक हो। विवरण नबुझाउँदा लक्षित वर्गका विद्यार्थीहरुले कानुनले तोकेको छात्रवृत्तिसम्बन्धी सुविधा प्राप्त गरे नगरेको यकिन थिएन।
सार्वजनिक सूचनामार्फत् विवरण माग गरिएपछि विवरण प्राप्त भएको महानगरपालिकाले जनाएको छ। त्यसबाट लक्षित वर्गका १३ हजार जनाभन्दा बढी विद्यार्थीहरूले छात्रवृत्ति प्राप्त गरेका छन्। महानगरपालिकाका प्रमुख बालेन्द्र शाह (बालेन) भन्छन, ‘प्राप्त विवरणमाथि निरीक्षण गरी यससम्बन्धी सूची प्रकाशित गरिनेछ।’
विवरण नपठाउने विद्यालयका सन्दर्भमा प्रतिक्रिया दिँदै प्रमुख शाह भने, ‘हालसम्म विवरण नपठाएका विद्यालयहरूलाई १ लाख रुपैयाँसम्म जरिवाना तिराएर थप एक पटक विवरण बुझाउने मौका दिइनेछ। त्यसपछि पनि विवरण नबुझाएमा काठमाडौं महानगरपालिका शिक्षा ऐन, २०७५ को दफा ५७ को उपदफा ४ बमोजिम विद्यालयलाई प्रदान गरिएको अनुमति वा स्वीकृति रद्द गर्ने गरी कारबाही गरिनेछ।’
विद्यमान कानुनी प्रबन्ध कार्यान्वयनबाट यति धेरै संख्यामा विद्यार्थीले छात्रवृत्ति पाएको प्रसङ्ग उल्लेख गर्दै प्रमुख शाह भने, ‘कानुन निर्माणको महत्त्व कार्यान्वयनबाट मात्र पुष्टि हुन्छ।
त्यसैले हामी कानुन निर्माण र कार्यान्वयन दुवै पक्षमा उत्तिकै गम्भीर छौँ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791645793.png)
-1786602170.png)
