बैतडीमा वन अतिक्रमण गरेर बनाइएका घरमाथि चल्यो डोजर

समाचार

ललित बोहरा बुधबार, जेठ ३१, २०८० १२:२३

बैतडी– बैतडीमा वन क्षेत्र अतिक्रमण गरेर बनेका घर तथा टहराहरु भत्काइएको छ। जिल्लाको मेलौली नगरपालिकामा सामुदायिक वन अतिक्रमण गरेर बनेका २७ ओटा घर तथा टहराहरु भत्काइएको हो।

मेलौलीको वडा नम्बर ७ चापछाड सामुदायिक वन र वडा नम्बर ८ को कोटीगाउँ सामुदायिक वन अतिक्रमण गरी बनेका घर भत्काइएको डिभिजन वन कार्यालय बैतडीका प्रमुख भीम प्रसाद कंडेलले जानकारी दिए।

Ghar_Dozer (2)1686724667.jpg

कानुन विपरीत वन अतिक्रमण गरेर बनेका घर भत्काइएका उनले बताए। वन कार्यालयले यसअघि २ पटक घर खालि गर्न १५ दिनको सूचना जारी गरेको थियो। सूचनाको अवज्ञा गरिएपछि अहिले घर भत्काइएका छन्।

जिल्ला प्रशासन कार्यालय, वन कार्यालय, मेलौली नगरपालिका र सुरक्षा निकायको संयुक्त प्रयासमा वन अतिक्रमण गरेर बनेका अवैध संरचना हटाइएका हुन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।