फ्लाई दुबईको जहाजलाई गरिएन दिल्लीमा अवतरण, दुबईतिर जाँदै

पर्यटन-उड्डयन

नेपाल लाइभ सोमबार, वैशाख ११, २०८० २२:५४

काठमाडौं– त्रिभुवन अन्तर्राष्ट्रिय विमानस्थलबाट उड्ने बित्तिकै बाँयातर्फको इन्जिनमा आगलागी भएको फ्लाई दुबईको जहाज सुरक्षित दुबईतर्फ लागेको छ।

इन्दिरा गान्धी एअरपोर्ट नयाँ दिल्लीमा अवतरण गर्ने भनिए पनि जहाजको अवस्था सामान्य भएकाले दुबईतिर लागेको त्रिभुवन अन्तर्राष्ट्रिय विमानस्थलले जनाएको छ।

यतिबेला जहाज भारतको नयाँ दिल्ली क्रस भइसकेको छ। उड्नासाथ जहाजको बायाँ इन्जिनमा समस्या आएको थियो। पाइलटले धादिङको धार्के पुगेपछि जहाजको इन्जिनमा आगलागी भएको जानकारी दिएका थिए। पाँच मिनेटजति जहाज त्यहिँ होल्ड गरिएको थियो।

तर पछि इन्जिनमा लागेको आगो निभेको र दुवै इन्जिनले काम गरिरहेको जानकारी दिएर गन्तव्यतिर लागेको पाइलटले एअर ट्राफिक कन्ट्रोलरलाई जानकारी दिएका थिए। अहिले जहाज ३४ हजार फिटको उचाईमा उडिरहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

चाडपर्वले राष्ट्रिय एकतालाई थप मजबुत बनाउन सहयोग पुग्छ : राष्ट्रपति पौडेल

एमालेको सचिवालय बैठक आज बस्दै

हाइटीमा पत्रकार सम्मेलनका क्रममा गोली प्रहार, दुई पत्रकारसहित तीन जनाको मृत्यु