सुरक्षा/अपराध

चक्रे मिलनका बडीगार्डबाट बरामद भएको हतियार प्वाइन्ट टु–टु

नेपाल लाइभ मंगलबार, चैत २८, २०७९ १४:०९

काठमाडौं– गुण्डा नाइके भनेर चिनिएका चक्रे मिलन (मिलन गुरुङ) को बडीगार्डबाट बरामद भएको हतियार प्वाइन्ट टु–टु भएको खुलेको छ। चक्रेको बडीगार्ड बनेका गणेशबहादुर बोगटीको साथबाट बरामद भएको हतियार प्वाइन्ट टु–टु भएको खुलेको जिल्ला प्रशासन कार्यालय बाँकेको प्रमुख जिल्ला अधिकारी (सीडीओ) विपिन आचार्यले जानकारी दिए।

‘बाहिर हल्ला एके–४७ भनेको सुनियो। त्यस्तो घातक हतियार राज्यले लाइसेन्स लिएर राख्नै दिएको छैन। बरामद हतियार प्वाइन्ट टु–टु हो,’ आचार्यले नेपाल लाइभसँग भने।

यता नेपाल प्रहरीका प्रवक्ता तथा डीआईजी पोषराज पोखरेलले पनि बरामद हतियार प्वाइन्ट टु–टु भएको जानकारी दिए। प्रशासनमा दर्ता भएको रेकर्डबाट पनि उक्त हतियार प्वाइन्ट टु–टु भएको खुलेको छ।

प्वाइन्ट टुटु क्यालिभर भएको टेलीस्कोपयुक्त उक्त हतियारले लामो दुरीसम्म निशाना लगाउन सक्छ।

यो पनि पढ्नुहोस

हतियार प्रदर्शनमा उत्रिए ‘गुण्डा नाइके’ चक्रे मिलन [भिडियोसहित]

गुरुङको बडीगार्ड बन्दै हतियार बोकेको भिडिओ बनाएर सामाजिक सञ्जाल टिकटकमा हालेपछि नेपाल लाइभले समाचार प्रकाशन गरेको थियो। त्यसपछि बाँके प्रहरीले सोमबार राति हतियार बोक्ने युवक बोगटीलाई बाँकेको चिसापानीबाट पक्राउ गरेको थियो।

पक्राउ परेका व्यक्तिकै नाममा लाइसेन्स लिएर हतियार राखेको पाइएकाले अब के गर्ने भन्ने अधिकार सीडिओ कार्यालयलाई भएको डीआईजी पोखरेलले बताए। ‘लाइसेन्स खारेज गर्ने वा नगर्ने भन्ने जिम्मा प्रशासनको हो। त्यहीअनुसार कारबाही अघि बढ्छ,’ डीआईजी पोखरेलले भने।

बोगटीले लाइसेन्स लिएर हतियार राखेको बताएकाले अहिले लाइसेन्स मगाउने काम भइरहेको र त्यसपछि के गर्ने भन्ने निर्णय गरिने सीडीओ आचार्यको भनाइ। हतियार अहिले जिल्ला प्रशासन कार्यालयमा राखिएको छ भने पक्राउ परेका बोगटीलाई प्रहरी हिरासतमा राखिएको छ।

यो पनि पढ्नुहोस

गुण्डा नाइके चक्रेको ग्याङमा हतियार प्रदर्शन प्रकरण: पक्राउ परे एक युवक

नेपालगन्जमा एमालेनिकट राष्ट्रिय युवासंघको महाधिवेशन चलिरहेको छ। गुण्डा नाइके चक्रे मिलन पनि सोही महाधिवेशनमा सहभागी हुन नेपालगन्ज पुगेका थिए। उनकै बडीगार्ड बन्दै बोगटीले हतियार प्रर्दशन गरेका थिए। उक्त भिडिओ नेपालगञ्जकै एक होटलमा बनाएको खुलेको छ।

‘ज्ञानेन्द्रवली ५७’ नाम गरेको टिकटक आईडीबाट उक्त भिडियो सार्वजनिक भएको थियो। समाचार प्रकाशन भएसँगै टिकटकबाट भिडिओ हटाइएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुनको मूल्य घट्यो

आफैं सक्षम भइसकेकाहरुका लागि आरक्षण कोटा बन्द गर्नुपर्छ : वर्षमान

सन्दीपको सन्यास लिने संकेत, सामाजिक सञ्जालमा पोष्ट गरे भावुक स्टाटस