हतियार प्रदर्शनमा उत्रिए ‘गुण्डा नाइके’ चक्रे मिलन [भिडियोसहित]

सुरक्षा/अपराध

नेपाल लाइभ सोमबार, चैत २७, २०७९ १८:५३

काठमाडौं– हतियार बोकेका युवकसहित ‘गुण्डा नाइके’ भनेर चिनिएका चक्रे मिलन (मिलन गुरुङ) देखा परेका छन्। सामाजिक सञ्जाल टिकटकमा हतियार बोकेका युवकसहितको समूहमा चक्रे मिलन देखिएका हुन्।

३८ सेकेन्ड लामो भिडियोमा चक्रे मिलन अगाडि–अगाडि हुन्छन्। उनीसँगै पछि बसेका अर्का युवकले भने हतियार बोकेको देखिन्छ। उक्त भिडियो नेपालगञ्जको एक होटलको रहेको बताइएको छ।

ज्ञानेन्द्रवली५७ नाम गरेको टिकटक आईडीबाट उक्त भिडियो सार्वजनिक भएको हो। भिडियोमा चक्रेसँगै अन्य १०/१२ जना युवाहरू देखिन्छन्। तीमध्ये एक युवाले हतियार बोकेको देखिन्छ। तर, त्यो हतियार सक्कली हो कि नक्कली भन्ने स्वतन्त्र पुष्टि भइसकेको छैन।

यसबारेमा नेपाल प्रहरीका प्रवक्ता तथा डीआईजी पोषराज पोखरेललाई जिज्ञासा राख्दा आफूलाई उनले यसबारे आफूलाई जानकारी नै नभएको बताए।

‘यो भिडियोबारे मलाई जनाकारी नै छैन। तपाईंले जानकारी दिनुभयोर के कसो रहेछ म सम्बन्धित निकायलाई निर्देशन दिन्छु’ पोखरेलले नेपाल लाइभसँग भने।

हेर्नुहोस् भिडियो :

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुनको मूल्य घट्यो

आफैं सक्षम भइसकेकाहरुका लागि आरक्षण कोटा बन्द गर्नुपर्छ : वर्षमान

सन्दीपको सन्यास लिने संकेत, सामाजिक सञ्जालमा पोष्ट गरे भावुक स्टाटस