किंग्स् कलेजद्वारा ‘कम्युनिभर्सिटी समर प्रोग्राम’ सञ्चालनको घोषणा

कर्पोरेट

नेपाल लाइभ सोमबार, चैत २७, २०७९ १४:३७

काठमाडौं– किंग्स् कलेजले ‘कम्युनिभर्सिटी समर प्रोग्राम’ सञ्चालन गर्न लागेको छ। शैक्षिक संस्था, उद्योग र समुदायलाई विद्यार्थीहरूको सिकाईमा जोड्ने उद्देश्यका साथ कलेजले अर्को वर्षको असार ४ देखि ९ हप्तासम्मका लागि काभ्रेस्थित पाँचखाल नगरपालिकामा सो कार्यक्रम सञ्चालन गर्न लागेको आज घोषणा गरेको छ।

समुदाय आफैंमा एउटा महत्वपूर्ण पाठ्यक्रम हो भन्ने अवधारणामा आधारित रहेर सञ्चालन गर्न लागेको यस शैक्षिक कार्यक्रममा कक्षा १२, ए लेभल्स् तथा सो सरहका परीक्षा दिएका विद्यार्थीहरू सहभागी हुन पाउने कलेजले बताएको छ।

साथै यस कार्यक्रमका दिक्षितहरूले प्राप्त गर्ने क्रेडिटलाई किंग्स् कलेज, संयुक्त राज्य अमेरिकास्थित वेस्टक्लिफ युनिभर्सिटी र फिनल्यान्डस्थित कायानी युनिभर्सिटी अफ एप्लाइड साइन्सले अनुमोदित गर्ने कलेजले जनाएको छ।

‘समुदायमा असंख्य ज्ञान, सीप, प्रविधिका साथै अनेकन कथा र अनुभव हुन्छन्,’ कलेजका कार्यकारी निर्देशक नरोत्तम अर्याल कार्यक्रमबारे भने, ‘शिक्षण संस्था एक्लैले जीवन र जगतका बहुआयामिक पक्षहरू सिकाउन सम्भव छैन। जसको कारण समुदाय र शैक्षिक संस्थाहरुको सहकार्य महत्वपूर्ण रहन्छ।’ पाँचखाल नगरपालिकाका प्रमुख महेश खरेलले यस कार्यक्रमले शिक्षामा आमुल परिवर्तन ल्याउने विश्वास व्यक्त गरेका छन्।

शिक्षालाई जीवन, समुदाय र शिपसँग जोड्नुपर्ने आवश्यकता औल्याउँदै उनले भने, ‘शैक्षिक हबको रूपमा अगाडि बढेको पाँचखाल नगरपालिकासँगको सहकार्यमा सञ्चालन हुने यस कार्यक्रमप्रति हामी उत्साहित छौं।’‌

साथै विद्यार्थी र समग्र समुदायको सहकार्यमा उत्पादन हुने ज्ञानलाई कार्यान्वयन गर्न पनि उनको नगरपालीका तत्पर रहेको खरेलले जानकारी दिए। कार्यक्रमको समग्र नेतृत्व गरिरहेका प्रद्यापक उद्ग खड्काले यस कार्यक्रमको डिजानदेखि कार्यान्वयनसम्ममा समुदाय र उद्योगको सहभागिता हुने बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अमेरिकी डलरको भाउ बढ्यो, यस्तो छ अन्यको विनिमय दर

सुदूरपश्चिमबाट मौसम बदली सुरु, पुनःचिसो बढ्न सुरु

परराष्ट्रमन्त्री डा राणा स्वदेश फिर्ता