काठमाडौंसहितका क्षेत्रमा विहानैदेखि वर्षा, दिउँसो असिना–पानीको सम्भावना

समाचार

नेपाल लाइभ मंगलबार, चैत ७, २०७९ ०८:३१

काठमाडौं– जल तथा मौसम विज्ञान विभागका अनुसार हाल देशमा स्थानीय वायु सँगै पश्चिमी वायुको पनि प्रभाव रहेको छ।

अहिले काठमाडौं उपत्यकासहित देशका केही ठाउँमा हल्का र मध्यम वर्षा भइरहेको छ। देशभर सामान्यदेखि पूर्ण बदली रहेको विभागले जनाएको छ।

विभागअन्तर्गतको मौसम पूर्वानुमान महाशाखाका अनुसार आज (मंगलबार) देशभर नै सामान्यदेखि पूर्ण बदली रहने छ। सुदूरपश्चिम र लुम्बिनी प्रदेश लगायत देशको पहाडी भू-भागका केही स्थानहरूमा तथा बाँकी भू-भागका थोरै स्थानहरुमा मेघ गर्जन, चट्याङ, हावा-हुरी र असिनासहित क्षणिक, हल्कादेखि मध्यम वर्षाको सम्भावना रहेको छ।

महाशाखाका अनुसार मंगलबार राति पनि देशभर आँशिकदेखि सामान्य बदली रहने छ। देशको पहाडी भू-भागका थोरै स्थानहरूमा तथा तराई भू-भागका एक-दुई स्थानमा मेघ गर्जन, चट्याङ, हावा-हुरी र असिनासहित क्षणिक, हल्कादेखि मध्यम वर्षाको सम्भावना रहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

च्याम्पियन्स लिगमा रियल म्याड्रिडको जित

भक्तजनद्वारा पशुपतिनाथको छायाँ दर्शन

आजको मौसमः तराईमा हुस्सु, पहाडी भागमा सामान्य बदली रहने