तीन जना किशोरीलाई बन्धक बनाएर बलात्कार गरेको आरोपमा चिनियाँ नागरिक पक्राउ

समाचार

नेपाल लाइभ आइतबार, फागुन १४, २०७९ १५:५४

काठमाडौं– तीन जना नेपाली किशोरीलाई बन्धक बनाएर राखेको आरोपमा एक चिनियाँ नागरिक पक्राउ परेका छन्। जिल्ला प्रहरी परिसर ललितपुरको टोलीले चिनियाँ नागरिक ४९ वर्षीय याङ लिमिङलाई पक्राउ गरेको हो।

उनले विभिन्न प्रलोभनमा पारेर तीन किशोरीलाई पोखरादेखि काठमाडौंमा ल्याएर आफू बस्ने कोठामा बन्धक बनाएर राखेको आरोपमा पक्राउ गरिएको परिसर ललितपुरका प्रमुख सिद्धिविक्रम शाहले जानकारी दिए।

चीनको फुजिन सि मिन घर भई ललितपुर–२२ सोह्रखुट्टे बस्ने उनले लिमिङले बन्धक बनाएर राखेको जोहेरी आएपछि किशोरीलाई उद्दार गरेर लिमिङ पक्राउ गरिएको हो।

उनले पोखरा तथा झापाबाट करणी गर्ने उदेश्यले काठमाडौं बोलाएको पाइएको प्रहरीले जनाएको छ। पक्राउ परेका चिनियाँ नागरिकविरुद्ध जबरजस्ती करणीको कसुरमा मुद्दा दर्ता गरी अनुसन्धान अघि बढाइएको प्रहरीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जनताको अवस्था बदल्ने कार्यभार पूरा भइसकेको छैन– प्रचण्ड

रनको बर्षा भएको खेलमा पाकिस्तानको कीर्तिमानी जित

छोरीको शव नेपाल ल्याउन १० महिनादेखि भौँतारिरहेकी ७० वर्षीया धनमाया