काठमाडौं– चलचित्र विकास बोर्डले दुबईमा फागुन १ देखि ३ गतेसम्म ‘नेपाली सिनेमा फेस्ट २०२३’ आयोजना गर्दैछ।
उक्त फेस्टिभलमा आफ्नो नाम र तस्बीरको दुरुपयोग गरेर राखिएकोमा क्याप्टेन तथा कलाकार विजय लामाले आपत्ति जनाएका छन्। उनले आफूलाई जानकारी विना र लिखित स्वीकृति विना पोस्टरमा तस्बिर राखिएको भन्दै आपत्ति जनाएका हुन्।
उक्त फेस्टिभलमा फिल्म ‘महापुरुष’ अनुमति विनै समावेश गरिएको भन्दै सोमबार षड्कोण आर्टस्ले आधिकारिक फेसबुक पेजमार्फत् कार्यक्रम बहिष्कार गरेको थियो। लगत्तै सोमबार नीर शाहले पनि विवादित कार्यक्रममा आफू सहभागी नहुने घोषणा गरेका थिए।
फेस्टिभलमा आयोजकले सार्वजनिक गरेको पोस्टरमा क्याप्टेन लामाको पनि तस्बिर थियो। लामाले बुधबार फेसबुकमार्फत् निम्तोविनै तस्बिर राखिएको भन्दै गुनासो गरे।
‘केही समय यता यो कार्यक्रम लिई विवादास्पद् कुराहरू अनि समाचार सामाजिक सन्जालमा छ्यापछ्यापती देख्न थालेको छ! अचम्म को कुरा के भने मेरो पनि तस्बिर पोस्टरमा देखेँ! न मलाई यसबारे जानकारी नै छ न निमन्त्रणा नै छ। न मलाई सहभागिता जनाउन समय नै छ! यसरी लिखित स्वीकृति बिनानै मेरो तस्बिर चलाएर राख्नु कतिको उचित हुन्छ?’ उनले लेखेका छन्, ‘यही पोस्टमार्फत् मेरो यस कार्यक्रमसँग कुनै पनि संलग्नता नभएको जानकारी गराउन चाहन्छु। आइन्दादेखि कसैले मेरो तस्बिरहरू चलाउन परे पूर्वसूचना या स्वीकृति लिएर मात्रै गर्नु होला!’
नीर शाहले आफू कार्यक्रममा नजाने घोषणा गरिसक्दा पनि बोर्डलाई निरन्तर अनुरोध आइरहेको उनी बताउँछन्। ‘मैले नजाने भनेर भनिसकेँ। तर निरन्तर जानका लागि दबाब आइरहेको छ। तर म विवादित कार्यक्रममा जाने छैन,’ उनले भने।
बोर्डले विवादित कम्पनी सूर्य कर्पोरेशन प्राइभेट लिमिटेडसँग सहकार्य गरेको विषयमा पनि आलोचना भइरहेको छ।
विवाद बढेपछि दुवईमा हुने ‘सिनेमा फेस्ट’मा नीर शाह नजाने
विवादमा सिनेमा फेस्ट : ‘महापुरुष’ टिमको बहिस्कार, दुविधामा दुबई जाने कलाकार
दुबईमा हुन लागेको ‘नेपाली सिनेमा फेस्ट’लाई ‘महापुरुष’ टिमले गर्यो बहिस्कार
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787802736-1787803515.jpeg)
-1786602170.png)
-1786513116.png)
