दुबईमा हुन लागेको ‘नेपाली सिनेमा फेस्ट’लाई ‘महापुरुष’ टिमले गर्‍यो बहिस्कार

समाचार

नेपाल लाइभ सोमबार, माघ १६, २०७९ १२:३६

काठमाडौं– चलचित्र विकास बोर्डले दुबईमा गर्न लागेको ‘नेपाली सिनेमा फेस्ट २०२३’लाई षड्कोड आर्टस्‌ले बहिस्कार गरेको छ। बोर्डले आफूहरूसँग अनुमति नलिई ‘महापुरुष’लाई उक्त कार्यक्रममा समावेश गरेको भन्दै टिमले आपत्ति जनाएको छ।

बोर्डले ३० लाख खर्च गरेर विवादास्पद कम्पनी सूर्य कर्पोरेशनसँग मिलेर उक्त कार्यक्रम गर्न लागेको आरोप ‘महापुरुष’ टिमको छ।

‘हाम्रो नेपाली चलचित्रलाई विश्व बजारमा पुर्‍याउने विकास बोर्डको चाहना स्वागत छ। तर यी र यस्ता नेपालीहरू माझ हुने घुमघाम र नाचगान कार्यक्रमले नेपाली फिल्मलाई कसरी विश्व बजारमा लैजान्छ होला? यता खर्च गर्ने ३० लाख पैसाले बरु त्यै मिडिल इस्टमा व्यावसायिक प्रदर्शन हुने नेपाली फिल्महरूको सेन्सरमा ट्रान्सलेसनमा सहयोग गरे केही राहत होला,’ षड्कोड आर्टस्‌को आधिकारिक फेसबुक पेजबाट लेखिएको छ, ‘साथै विवादमा आएको कम्पनीसँग सहकार्य गर्न बोर्डलाई के कुराले बाध्य बनायो होला? यी र यस्तै प्रश्न र सुझावसहित हाम्रो फिल्म उक्त कार्यक्रममा सहभागी नगराउनु हुन अनुरोध गर्दछौं!’

फिल्मका कार्यकारी निर्माता रवीन्द्र सिंह बानियाँले उक्त पोस्टलाई फेसबुकमा सेयर गर्दै लेखेका छन्, ‘सरकारी पैसाको दुरुपयोग र विवादास्पद कम्पनसँगको बोर्डको सहकार्यप्रति असहमति जनाउँदै, साथै बिना अनुमति हाम्रो फिल्म महापुरुष उक्त कार्यक्रममा समावेश भएकोले हाम्रो यस कार्यक्रममा कुनै साथ समर्थन र सहभागिता रहने छैन।’

बोर्डले ‘नेपाली सिनेमा फेस्ट २०२३’ आगामी फागुन १ गतेदेखि ३ गतेसम्म दुबईमा गर्दैछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जल, जमिन र आकाश लक्षित महोत्सवले गुलजार पोखरा

बर्सेनि बढ्दै कञ्चनजङ्घामा पर्यटक

अवतरण गर्ने क्रममा एयर क्यानडाको विमानमा आगो लाग्यो