बैंक/बिमा/सेयर

नेप्से परिसूचकमा दोहोरो अंकको वृद्धि

रासस मंगलबार, पुस ५, २०७९ १६:१४

काठमाडौं– धितोपत्र बजारमा सेयर कारोबार मापक नेप्से परिसूचक मंगलबार दोहोरो अंकले उकालो लागेको छ। नेपाल स्टक एक्सचेञ्जका अनुसार नेप्से परिसूचक १४ दशमलव २२ अंकले उकालो लागेर एक हजार आठ सय ७३ दशमलव ११ विन्दुमा पुगेको छ।

यस्तै, ठूला कम्पनीको सेयर कारोबार मापन गर्ने सेन्सेटिभ परिसूचक दुई दशमलव ६८ अंकले उकालो लागेर तीन सय ६६ दशमलव ६५ मा पुगेको छ। कारोबार भएका १३ वटै उपसमूहको सेयर मूल्यमा वृद्धि भएको छ।

कारोबार भएका कम्पनीमध्ये एक सय ५२ कम्पनीको सेयर मूल्यमा वृद्धि भएको छ। त्यस्तै, ४६ कम्पनीको सेयर मूल्यमा गिरावट आयो भने १३ कम्पनीको सेयर मूल्यमा कुनै परिवर्तन भएको छैन।

मंगलबारको कारोबारमा ३० लाख २२ हजार ५२ कित्ता सेयर ९३ करोड आठ लाख ३९ हजार नौ सय एक मूल्यमा खरिद बिक्री भएका छन्। नेप्सेका अनुसार नेपाल दूरसञ्चार कम्पनी शीर्ष स्थानमा छ। सो कम्पनीको छ करोड ३८ लाख ३७ हजार दुई सय १८ बराबरको सेयर खरिद बिक्री भएका छन्।

त्यस्तै, सिभिल बैंक चार करोड तीन लाख ७० हजार तीन सय २८, हिमालयन डिस्टिलरी तीन करोड ८२ लाख ५९ हजार चार सय आठ, नबिल बैंक तीन करोड ३६ लाख ९२ हजार दुई सय ५१ र फरवार्ड माइक्रोफाइनान्स कम्पनीको दुई करोड ८२ लाख १९ हजार आठ सय १८ बराबरको सेयर कारोबार भएको छ।

मंगलबारको कारोबारमा आँधीखोला लघुवित्त, सिर्जनशील लघुवित्त र धौलागिरि लघुवित्तको सेयर मूल्यमा सकारात्मक सर्किट लागेको छ। त्यसबाहेक सिवाइसिएल लघुवित्त सात दशमलव ६२ र मन्दाकिनी हाइड्रोपावरको सेयर मूल्य चार दशमलव ७१ प्रतिशतले बढेको छ।

त्यस्तै, सनराइज ब्ल्यूचिप फण्डको चार दशमलव ६७, गरिमा विकास बैंकको ऋणपत्र तीन दशमलव ९४, फरवार्ड माइक्रोफाइनान्सको दुई दशमलव ५१, लिवर्टी इनर्जीको दुई दशमलव ३९ र महालक्ष्मी विकास बैंकको सेयर मूल्य दुई दशमलव २७ प्रतिशतले घटेको छ।