जो ०७४ मा प्रदेश सभा र ०७९ मा प्रतिनिधि सभामा विजयी भए

निर्वाचन विशेष

कल्पना घिमिरे शनिबार, मंसिर १०, २०७९ ११:३६

काठमाडौं– गत मंसिर ४ गते सम्पन्न निर्वाचनमा प्रतिनिधि सभामा निर्वाचित केही सांसद अघिल्लो पटक प्रदेश सभामा पनि विजयी भएका थिए। ०७४ मा प्रदेश सभामा र यसपटक प्रतिनिधि सभामा निर्वाचित उम्मेदवारबारे तल उल्लेख गरेका छौँ।

रामकुमार राई
०७४ मा खोटाङ प्रदेस सभा (१) को २ बाट रामकुमार राईले १८ हजार ३ सय ७२ मत प्राप्त गरेर विजयी भएका थिए। उनका प्रतिष्पर्धी नेपाली कांग्रेसका विष्णुकुमार राई १२ हजार २ सय ३९ मत प्राप्त गरेर पराजित भएका थिए।

राई गत मंसिर ४ मा सम्पन्न भएको प्रतिनिधि सभा निर्वाचन खोटाङबाट विजयी भएका छन्। २ हजार ६ सय ६९ को मतान्तरले नेकपा एमालेका विशाल भट्टराईलाई पराजित गर्दै राई प्रतिनिधि सभा सदस्यमा विजयी भएका हुन्।

विजयी राईले ३१ हजार ३ सय ५१ मत प्राप्त गरेका छन्। उनका निकटतम् प्रतिस्पर्धी नेकपा एमालेका भट्टराईले २८ हजार ६ सय ८२ मत ल्याएका छन्।

भीमप्रसाद आचार्य
०७४ मा सुनसरी–२ (१)बाट नेकपा एमालेका भीमप्रसाद आर्चाले २० हजार २ सय ११ मत प्राप्त गरेर विजयी भएका थिए। उनका प्रतिष्पर्धी नेपाली कांग्रेसका वुद्धिबहादुर कट्वालले १९ हजार ९ सय ६४ मत प्राप्त गरेका थिए।

आचार्यले गत मंसिर ४ को निर्वाचनमा सुनसरी–२ बाट प्रतिनिधीसभा उम्मेदवारमा १९ हजार २ सय २३ मत ल्याएर अग्रता कायम गरेका छन्। निकटतम प्रतिद्वन्द्वी कांग्रेसका सीताराम महतोलाई २ हजार ७ सय ८९ मतान्तरले पछि पार्दै अग्रता कायम गरेका छन्।

प्रतिद्वन्द्वी महतो १६ हजार ४ सय ३४ मतका साथमा दोस्रो स्थानमा छन्।

नवलकिशोर साह सुडी
०७४ मा सप्तरी–१ (२) बाट राजपाका नवलकिशोर साह सुडीले १३ हजार ६ सय ४७ मत प्राप्त गरेर विजयी प्राप्त गरेका थिए। कांग्रेसका बद्रीनारायण महात्मा यादव ६ हजार ३ सय ३३ मत प्राप्त गरेका थिए।

सुडी गत मंसिर ४ को चुनाबमा प्रतिनिधिसभातर्फ सप्तरी(१) मा जनता समाजवादी पार्टी (जसपा) बाट विजयी भएका छन्। प्रदेशमन्त्री समेत रहेका उनले २३ हजार ५ सय ६४ मतसहित जित हासिल गरेका छन्।

उनका निकटतम् प्रतिद्वन्द्वी जनमत पार्टीका जयकान्त राउतले १९ हजार ९ सय ९२ मत पाएका छन्।

राजेन्द्र पाण्डे
०७४ मा धादिङ–१ (१)बाट एमालेका राजेन्द्र पाण्डे २७ हजार ३ सय ३२ मत प्राप्त गरेर विजयी भएका थिए। उनका प्रतिष्पर्धी नेपाली कांग्रेसका मुकुन्द श्रेष्ठले १३ हजार ६ सय ४७ मत प्राप्त गरेका थिए।

गत मंसिर ४ को निर्वाचनमा प्रतिनिधि सभातर्फ धादिङ–१ बाट एकीकृत समाजवादीका उम्मेदवार पाण्डले एमालेका उम्मेदवार भूमिप्रसाद त्रिपाठीलाई पराजित गर्दै विजयी प्राप्त गरेका छन्।

पाण्डेले ३५ हजार ९ सय ३४ मत ल्याएर विजयी भएका छन्। एमालेका त्रिपाठी २७ हजार ९ सय ५३ मत ल्याएर पराजित भएका छन्।

पृथ्वीसुब्बा गुरुङ
०७४ मा लमजुङ –१ को (२)बाट पृथ्वी सुब्बा गुरुङ २३ हजार ८८ मत प्राप्त गरेर विजयी भएका थिए। उनका प्रतिष्पर्धी नेपाली कांग्रेसका कृष्ण प्रसाद कोइरालाले १५ हजार १ सय २ मत प्राप्त गरेका थिए।

गत मंसिर ४ को प्रतिनिधिसभातर्फको चुनावमा गुरुङले ३४ हजार ९ सय ६९ मत प्राप्त गरी विजयी भएका छन्। उनले प्रतिद्वन्द्वी माओवादी केन्द्रका देवप्रसाद गुरुङलाई ३ हजार १ सय ८८ मतान्तरले पराजित गर्दै विजयी भएका हुन्।

देवप्रसाद गुरुङले भने ३१ हजार ७ सय ८१ मत प्राप्त गरेका छन्।

मनबहादुर गुरुङ
कास्की– १ को (२) बाट मन बहादुर गरुङ १७ हजार २ सय ४९ मत प्राप्त गरेर विजयी भएका थिए। उनका प्रतिद्वन्द्वी नेपाली कांग्रेसका कृष्ण बहादुर केसीले १३ हजार १ सय २ मत प्राप्त गरेका थिए।

गुरुङ कास्की–१ बाट प्रतिनिधीसभातर्फको निर्वाचनमा २५ हजार मत प्राप्त गरेर विजयी भएका छन्। उनले कांग्रेसका उम्मेदवार किशोरदत्त बराललाई २ हजार ५ सय १९ मतान्तरले पराजित गर्दै विजयी भएका हुन्।

पराजित बरालले भने २३ हजार १ सय ८९ मत प्राप्त गरेका छन्।

नारायणप्रसाद आचार्य
पाल्पा–१ को प्रदेश २ मा एमालेका नारायण प्रसाद आचार्य १७ हजार २ सय ४९ मत प्राप्त गरेर विजयी भएका थिए। उनका प्रतिद्वन्द्वी नेपाली कांग्रेसका दान बहादुर पछाई क्षेत्रीले १० हजार ५ सय २ मत प्राप्त गरेका थिए।

आचार्य गत मंसिर ४ को प्रतिनिधिसभातर्फ पाल्पा– १बाट ३१ हजार १ सय ३ मत प्राप्त गरेर विजयी भएका छन्। उनले निकटतम कांग्रेसका ज्ञानबहादुर गाहालाई १० हजार ८ सय ४७ मतान्तरले पराजित गर्दै विजयी भएका हुन्।

पराजित गाहाले २० हजार २५६ मत प्राप्त गरेका छन्।

प्रकाश ज्वाला
सल्यान –१(२)बाट नेकपा एमालेका प्रकाश ज्वालाले १९ हजार ८ सय ३६ मत प्राप्त गरेर विजयी भएका थिए। कांग्रेसका डिल्लीराज रेग्मीले ११ हजार ६ सय ३० मत प्राप्त गरेका थिए।

ज्वालाले गत मंसिर ४ को प्रतिनिधिसभा निर्वाचनमा सल्यान–१ मा एकीकृत समाजवादी पार्टीबाट ३५ हजार ७ सय मत प्राप्त गरेर विजयी भएका छन्। उनलेस्वतन्त्र उम्मेदवार राजेन्द्रबहादुर शाहलाई १५ हजार ९ सय ११ मतान्तरले पराजित गर्दै विजयी भएका हुन्। पराजित शाहले भने १९ हजार ७ सय ८९ मत प्राप्त गरेका छन्।

अम्मर बहादुर थापा
दैलेख–१ मा सत्तारूढ गठबन्धनका अम्मरबहादुर थापा पनि यसपटकको निर्वाचनमा निर्वाचित भए। थापा १८ हजार २ सय ५६ मतसहित विजयी भए।उनका निकटतम प्रतिद्वन्द्वी नेकपा एमालेका उम्मेदवार रबिन्द्रराज शर्माले १७ हजार ४ सय ७ मत पाएका छन्।

थापाले ८४९ मतको फराकिलो अन्तरले जित हासिल गरेका छन्। यसअघि ०७४ को चुनावमादैलेख–१(२)मा थापाले१२ हजार ५ सय ६७ मत प्राप्त गरेर विजयी भएका थिए।

डिल्लीराज पन्त
२०७४ मा कैलाली–५(२) बाट डिल्लिराज पन्तले ११ हजार २ सय ५३ मत प्राप्त गरेर विजयी भएका थिए। उनका प्रतिष्पर्धी नेकपा माओवादीका रमेशसिंह धामीले ९ हजार ४ सय ८४ मत प्राप्त गरेका थिए।

पन्त गत मंसिर ४ को निर्वाचनमा प्रतिनिसभा कैलाली – ५ बाट नेपाली कांग्रेसको तर्फबाट २१ हजार ३९२ मत प्राप्त गरेर विजयी भएका छन्। पन्तले प्रतिद्वन्द्वी नेकपा एमालेका उम्मेदवार नारदमुनी रानालाई १०७४ मतान्तरले पराजित गर्दै विजयी भएका हुन्। पराजित रानाले भने २० हजार ३१८ मत प्राप्त गरेका छन्।

महेन्द्र बहादुर शाही
२०७४ मा कालिकोट–१ (२)बाट नेकपा माओवदीका महेन्द्र शाहीले १२ हजार १ सय ५३ मत ल्याएर विजयी भएका थिए। नेपाली कांग्रेसका काली बहादुर सहकारीले ९ हजार ३ सय ४२ मत प्राप्त गरेर पराजित भएका थिए।

शाही गत मंसिर ४ मा सम्पन्न निर्वाचनमा प्रतिनिधिसभा सदस्यका लागि कालीकोटबाट २३ हजार ८७ मत प्राप्त गरेर विजयी भएका छन्। उनका निटकतम प्रतिद्वन्दी एमालेका नगेन्द्र शाही १९ हजार २३० कत प्राप्त गरेर पराजित भएका छन्।

महेन्द्रबहादुरले ९ हजार ६ फराकिलो मतान्तरबाट जित निकाले छन्। महेन्द्र कर्णाली प्रदेशका पूर्व–मुख्यमन्त्री समेत हुन्।