काठमाडौं– बाराको सिमरामा बुधबारदेखि प्रदर्शन गरिरहेका जेन-जी युवालाई साथ दिन सुधन गुरुङको टोली सिमरातर्फ लागेको छ ।
आज दिउँसो २ देखि ३ बजेभित्र उनीहरू सिमरा आइपुग्ने बारा जेन-जी संयोजक सम्राट उपाध्यायले बताएका छन् ।
उपाध्यायका अनुसार सुधनको टोली गाडीमा सिमरातर्फ आइरहेको छ । तीन बजेसम्म पुग्ने र प्रशासनसँग निर्णायक वार्ता हुने उनले बताए ।
अरविन्द शाहलाई पक्राउ गर्नुपर्ने जेन-जीको मुख्य माग पूरा भइसकेको छ । तर, आफूहरुले भनेका अरु व्यक्तिहरु पनि पक्राउ गर्न बाँकी रहेको उपाध्यायले बताएका छन् । अब जिल्ला प्रशासनसँग आन्दोलन स्थगित गरेर निर्णायक वार्तामा बस्ने तयारीमा जेन-जीहरू छन् । उनीहरूले अहिले सुधनलाई पर्खिरहेका छन् ।
बुधबार एमाले नेता-कार्यकर्ता र जेन-जी युवाबीच सिमरामा झडप भएको थियो । त्यहीकारण ३ दिनदेखि सिमरा क्षेत्र अशान्त छ । कर्फ्यू आदेशसमेत अवज्ञा गर्दै जेन-जी समूहले बुधबार र बिहीबार दिनभर नै वीरगञ्ज-पथलैया सडकखण्डको सिमरा चोकमा टायर बालेर प्रदर्शन गरेको थियो । प्रहरीले अश्रु ग्यास र हवाई फायर समेत गर्नुपरेको थियो ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789108794-1789109712.jpeg)
-1786602170.png)
