बिहार विधान सभा चुनावको परिणाम आइसकेको छ । चुनाव आयोगका अनुसार प्रचण्ड बहुमतका साथ एनडीएले सरकार बनाउन गइरहेको छ । बिहार विधानसभामा कूल २४३ सिट छन् । र सरकार बनाउनका लागि कुनै पनि दल या गठबन्धनका लागि १२२ सिट आवश्यक पर्छ । एनडीए २०२ सिछमा अघि छ । यता महागठबन्धन ३२ सिटमा समेटिने देखिएको छ ।
बिहार चुनावमा एनडीएमा सहभागी भाजना १०१, जदयू १०१, चिराग पासवानको पार्टी एलजीपी २९, उपेन्द्र कुशवाहको पार्टी आरएलएम ६ र जीतन राम माझीको पार्टीले ६ सिटमा चुनाव लडेको छ ।
यस्तै महागठबन्धनमा आरजेडी १४३, कांग्रेस ६१, वाम दल ३० र भीआईपी ९ सिटमा आधिकारिक उम्मेदवारका साथ मैदानमा थिए । यसबाहेक केही सिटमा महागडबन्धनले मित्रवत प्रतिस्पर्धा गरेको थियो । जिमा चैनपुर, करगहर, नरकटियागन्ज, सकन्दरा, कहलगाउँ र सुल्तानगन्जका सिट पनि थिए ।
अहिलेसम्म २३४ सिटको नतिजा आएको छ । चुनाव आयोगका अनुसार एनडीएलाई १९६ सिट प्राप्त भएको छ । जसमा भाजपाले ८७ सिटमा जित हासिल गर्दा जदयूले ८२ सिटमा जित हात पारेको छ । र एलजेपीले १८ सिट जितेको छ । महागठबन्धनको पक्षमा अहिलेसम्म जम्मा ३४ सिट मात्र परेको छ । र अब एक सिटमा मात्र अगाडि छ । कांग्रेसले भने मात्र ६ सिट हात पारेको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1763140555.png)
