काठमाडौं– युरोपियन च्याम्यिन्स लिग फुटबलमा अन्तिम १६ मा जाने १४ टोलीको टुंगा लागेको छ। मंगलबार राति ८ खेल भएसँगै अन्तिम १६ मा पुग्ने १४ टोलीको टुंगो लागेको हो।
फ्रेन्च क्लब मार्सेईलाई २–१ गोल अन्तरले हराउँदै इंग्लिस क्लब टोटनहम हटस्पर समूह ‘डी’को विजेताको रुपमा नकआउट चरणमा पुगेको हो।
यस्तै, यसै समूहबाट जर्मन क्लब फ्रान्कफर्ट पनि दोस्रो चरणमा पुगेको छ। निर्णायक खेलमा पोर्चुगिज क्लब स्पोर्टिङ लिस्बनलाई २–१ ले हराउँदै फ्रान्कफर्टले समूह उपविजेताको रुपमा नकआउट चरणमा स्थान बनाएको हो। यो समूहबाट मार्सेई र लिस्बन बाहिरिएका छन्।
यसैगरी, गएराति नै भएको खेलमा इंग्लिस क्लब लिभरपुलसँग २–० ले पराजित हुनका बाबजुद इटालियन क्लब नापोली समूह ‘डी’को विजेता बनेको छ। जितका बाबजुद लिभरपुलले भने उपविजेतामा चित्त बुझाएको छ। यी दुवै टोली यसअघि नै दोस्रो चरणमा पुगिसकेका थिए।
यता, स्पेनिस क्लब एट्लेटिको म्याड्रिडलाई २–१ ले हराउँदै पोर्चुगिज क्लब पार्टो समूह ‘बी’को विजेता बनेको छ। बेल्जियन च्याम्पियन क्लब ब्रुग भने जर्मन क्लब बायर लेभरकुसनसँग गोलरहित बराबरी खेलेपछि उपविजेतामा सीमित बनेको छ। यी दुवै यसअघि नै अन्तिम १६ मा पुगिसकेका थिए। यो समूहबाट एट्लेटिको र लेभरकुसन बाहिरिएका छन्।
अन्य खेलहरूमा यसअघि नै समूह ‘सी’को विजेता बनिसकेको जर्मन क्लब बायर्न म्युनिखले सोही समूहको उपविजेता इटालियन क्लब इन्टर मिलानलाई २–० ले हराएको छ।
यस्तै, समूह ‘ए’बाट बाहिरिसकेको डच क्लब आयाक्सले स्कटिस क्लब रेन्जर्सलाई ३–१ ले हराएको छ। रेन्जुर्स पनि प्रतियोगिताबाट बाहिरिइसकेको छ।
त्यसैगरी, समूह ‘सी’को खेलमा स्पेनिस क्लब बार्सिलोनाले चेक क्लब भिक्टोरिया प्लाजानलाइए ४–० को भारी अन्तरले हराएको छ। यी दुवै प्रतियोगिताबाट बाहिरिइसकेका टोली हुन्। यसर्थ, यो परिणामको खासै अर्थ राख्दैन।
मंगलबार राति समूह ‘ए’देखि ‘डी’सम्मका समूह चरणका ६ वटै खेल सकिएका छन्। यससँगै अन्तिम १४ मा जाने १४ टोलीको टुंगो लागेको छ भने बुधबार राति हुने ८ खेलले सबै १६ टोलीको टुंगो लाग्नेछ।
यी हुन् अन्तिम १६ मा पुगिसकेका १४ टोली:
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1750327258.png)
-1749826086.png)
