काठमाडौं– इंग्लिस क्लब लिभरपुलले च्याम्पियन्स लिग फुटबलमा नापोलीलाई हराएको छ। मंगलबार राति समूह चरणको अन्तिम खेलमा लिभरपुलले नापोलीविरुद्ध २-० गोलको जित निकालेको हो।
लिभरपुललाई जित दिलाउन मोहमद सलाह र डार्विन नुनेजले १/१ गोल गरे।
पहिलो हाफसम्म बराबरीको अवस्थामा रहेको खेलामा दोस्रो हाफपछि लिभरपुलले अग्रता कायम गर्दै जित निश्चित गरेको हो। खेलको ८५ औं मिनेटमा सलाहले गोल गर्दै लिभरपुललाई सुरुआती अग्रता दिलाएका थिए।
त्यसपछि खेलको इन्जुरी समयमा नुनेजले गोल गर्दै लिभरपुललाई २-० को जित दिलाए।
नापोलीमाथिको जितसँगै समूह ‘ए’ मा रहेको लिभरपुलले ६ खेलमा १५ अंक जोडेको छ भने समूह उपविजेता बन्दै अन्तिम १६ मा पुगेको छ ।
नापोली ६ खेलमा १५ अंक जोडेर शीर्ष स्थानमा रहेर नकआउट चरणमा पुगेको छ। नापोली ‘हेड टु हेड’मा लिभरपुलभन्दा अघि रहेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
