बलात्कार आरोप लागेका इन्सपेक्टर जेल चलान

सुरक्षा/अपराध

नेपाल लाइभ बुधबार, कात्तिक १६, २०७९ १२:४८

काठमाडौं– बलात्कार प्रयासको आरोप लागेका प्रहरी निरीक्षक (इन्सपेक्टर) अपूर्व ढुंगाना पुर्पक्षका लागि जेल चलान भएका छन्। धादिङ जिल्ला अदालतले मंगलबार उनलाई पुर्पक्षका लागि जेल चलान गरेको हो।

जिल्ला न्यायाधीश स्वीकृति पराजुलीको एकल इजलासले उनलाई पुर्पक्षका लागि जेल चलान गर्ने आदेश गरेको हो। इलाका प्रहरी कार्यालय खानीखोलाका प्रमुख समेत रहेका ढुंगानाले आफ्नै ब्यारेकमा महिला प्रहरी कर्मचारीलाई बलात्कारको प्रयास गरेको आरोप लागेको थियो।

महिला प्रहरीले आफूमाथि बलात्कार प्रयास भएको भन्दै जाहेरी दिएपछि उनलाई हिरासतमा लिएर जिल्ला प्रहरी कार्यालय धादिङले अनुसन्धान अघि बढाएको थियो। गत असोज ५ गते पक्राउ परेका उनीविरुद्ध जबरजस्ती करणी उद्योगको कसुरमा मुद्दा चलाइएको थियो।

अदालतको आदेशपछि ढुंगानालाई मंगलबार नै कारागार पठाइएको धादिङका डीएसपी श्याम खत्रीले जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

फेरि बढ्यो अण्डाको भाउ, अब कति पर्छ गोटाको?

एकीकृत समाजवादीमा कार्यविभाजन, कस्लाई के जिम्मेवारी?

सुर्खेतमा कोठामा बालेको कोइलाको धुँवाले निस्सासिएर आमा छोराको मृत्यु