काठमाडौं– कतार विश्वकप फुटबल– २०२२ को एक महिने काउनडाउन सुरु भएको छ। विश्वकप प्रतियोगिता आयोजनाको एक महिने काउनडाउन शुरू भएको अवसरमा कतारी राजदुतावास काठमाडौंले शुभकामना आदान–प्रदान कार्यक्रमकोआयोजना गरेको छ।
काउनडाउन शुरु भएको उपलक्ष्यमा आयोजित कार्यकममा लक्की ड्रमार्फत् फुटबल विजेता चयन गरिएको थियो। फुटबल विजेताहरुमा रमेश व्यञ्जनकार, प्रियन्का भण्डारी, प्रकास बावु थापा, शैलेन्द्र बज्राचार्य, काजोल झा, तुलसी श्रेष्ठ, प्रकाशमणि पौडेल, रवि राजकर्णिकार र प्रज्वल वली रहेका छन्।
कार्यकममा नेपालका लागि कतारका राजदूत युसुफ अल हैल, नियोग उपप्रमुख खालिद इब्राहिम, नेपालका लागि साउदी अरेबियाका राजदूत साद अबुहैमेद, संयुक्त अरब इमिरेट्सका राजदूत सइद हमदान अल नक्वी, रिपब्लिक इजिप्टका राजदुत नोना अहमद, परराष्ट्र सचिव भरत राज पौडयालले लक्कि ड्रबाट फुटबल जित्नेहरुलाई फुटबल प्रदान गरेका थिए।
अबको २८ दिनमा शुरू हुने विश्वकपको पहिलो खेल ६० हजार दर्शक क्षमता भएको अल–बायत रंगशालामा हुनेछ। २० नोभेम्बरमा हुने पहिलो खेलमा कतार र इक्वेडर भिड्नेछन्।
कतारले आयोजना गर्न लागेको विश्वकप फुटबल मध्यपूर्व र अरब विश्वकै पहिलो फिफा विश्वकप–२०२२ हो।
आगामी २० नोभेम्बरदेखि १८ डिसेम्बर (करिब एक महिना)सम्म चल्ने विश्वकपमा ६४ खेल खेलाउनका लागि कतारले आठ अत्याधुनिक रंगशाला बनाइसकेको छ। अल–बायत स्टेडियममा उद्घाटन खेल खेलाउने तय भएको विश्वकप फुटबल प्रतियोगिताअन्तर्गत फाइनल खेल भने कतार राज्यको राष्ट्रिय दिवस १८ डिसेम्बरका दिन लुसैल रंगशालामा हुनेछ। लुसैल रंगशाला सबैखाले सेवा सुविधासहित ८० हजार दर्शक क्षमताको छ।
विश्वकप फुटबल प्रतियोगिता आयोजना गर्ने एउटा रंगशालाबाट अर्को रंगशालासम्म पुग्न झन्डै एक घण्टाको समय लाग्ने गरी निर्माण गरिएको छ। सबै रंगशाला यातायातका सबैखाले सुविधासँग जोडिएको छ।
विश्वकप फुटबल प्रतियोगिताको समयबधिमा अधिक दर्शक चाप हुने विषयलाई ध्यानमा राखेर कतारले यातायात, रेल प्रणाली, सडक सञ्जाल, होटेल, अपार्टमेन्ट र एयरपोर्ट, सामुन्द्रिक पोर्ट लगायतका पूर्वाधारको निर्माण एवं स्तरोन्नति गरिसकेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1766648928.png)
