मंगलम इण्डस्ट्रिजद्वारा प्राविधिकहरु पुरस्कृत

कर्पोरेट

नेपाल लाइभ सोमबार, असोज ३१, २०७९ १९:३१

काठमाडौं– नेपालकै पहिलो सिपिभिसि पाइप्स र फिटिंग्स् उत्पादक तथा नेपालको पोलीमर पाइपिंग प्रणालीको अग्रणी उत्पादक र नियार्तकर्ता मंगलम इन्डष्ट्रिज प्रालिले सुनसरीको इटहरीमा प्राविधिकलाई पुरस्कृत गरेको छ।

प्राविधिकहरुलाई अभिप्रेरित गर्ने उद्देश्यका साथ उक्त कार्यक्रम गरिएको मंगलम पाइपले जनाएको छ।

कार्यक्रममा गतवर्षको स्किममा प्राविधिकहरुले गरेको प्रदर्शन अनुसार पुरस्कारहरु वितरण गरिएको थियो भने स्किम अनुसारको अन्य विभिन्न उपहारहरु पनि वितरण गरिएको थियो।

जसअन्तर्गत प्राविधिकहरुले २ वटा १२५ सिसिको पल्सर मोटरसाइकल, एउटा १५० सिसिको पल्सर जित्नुको साथै ६ जनाले ल्यापटप, १० जनाले १/१ तोला सुन र ६ जनाले टेलिभिजन जित्न सफल भएको कम्पनीका असिस्टेन्ट भाइस प्रेसिडेन्ट सुमित शर्माले जानकारी दिए।

टेक्निसियन प्रोत्साहन कार्यक्रम (कुपन वापत) अन्तर्गत उक्त कार्यक्रम गरिएको र यस्ता किसिमका अन्य कार्यक्रम भविष्यमा पनि सञ्चालनमा ल्याइने शर्माले बताए। कार्यक्रममा उक्त क्षेत्रमा क्रियाशील लगभग ५० जना प्राविधिकहरुको उपस्थिति रहेको थियो।

मंगलमका सबै उत्पादनहरु उच्च गुणस्तरीय जापानी कच्चा पदार्थ र अत्याधुनिक जर्मन प्रविधि प्रयोग गरेर नेपालमै बनाइन्छ। नेपालकै सबैभन्दा ठूलो प्रयोगशाला भएको मंगलम् इन्डस्ट्रिजले नेपालमा निर्माण कार्यका लागि आवश्यक सबै पाइप तथा फिटिङ्स उत्पादन गर्दै आएको छ।

मंगलमको हरेक उत्पादनहरु उच्च गुणस्तरीय जापानीज कच्चा पदार्थबाट अत्याधुनिक प्रविधिको प्रयोग गरी बनाइन्छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नाबालिका बलात्कार आरोपमा पक्राउ परेका लामा एमालेबाट निलम्बित

पृथ्वीजयन्तीमा ‘पृथ्वीनारायण शाह’ पुस्तक

त्रिभुवन विमानस्थलबाट सुनसहित दुई जना पक्राउ