काठमाडौं– नेपाल धितोपत्र बोर्डले धितोपत्र दलाल तथा धितोपत्र व्यापारीको अनुमतिपत्रका लागि आवेदन माग गरेको ३० दिनको समयावधि सकिन ५ दिन मात्र बाँकी छ। तर, हालसम्म एउटा कम्पनीले मात्र आवेदन दिएको छ।
संशोधित नियमावली अनुसार हिमालयन सेक्युरिटिज् लिमिटेडले सीमित कार्य गर्ने ब्रोकर लाइसेन्सको अनुमति माग्दै आवेदन दिएको हो।
२० करोड रुपैयाँ चुक्ता पुँजीसहित स्थापित कम्पनी हो। गत असोज २४ गते कम्पनीले डिस्काउन्टेड ब्रोकरको लाइसेन्सका लागि आवेदन दिएको धितोपत्र बोर्डका सूचना अधिकारी तेज प्रसाद देवकोटाले जानकारी दिए।
बोर्डले धितोपत्र दलाल तथा धितोपत्र व्यापारीको अनुमतिपत्रका लागि गत असोज २ गतेदेखि आवेदन माग गरेको हो। बोर्डले धितोपत्र व्यवसायी धितोपत्र दलाल तथा धितोपत्र व्यापारी नियमावलीलाई पाँचौपटक संशोधन गरी थप ब्रोकर कम्पनीलाई दर्खास्त माग गरेको थियो।
संशोधित नियमावली अनुसार ब्रोकर कम्पनीहरुलाई बोर्डले तीन तहमा विभाजन गरेर चुक्ता पुँजीको सिलिङ पनि सोही अनुरुप तय गरेको छ। जसमध्ये सीमित कार्य गर्ने ब्रोकर कम्पनीको चुक्ता पुँजी २० करोड रुपैयाँ, पूर्ण कार्यलाई ६० करोड रुपैयाँ र स्टक डिलरलाई डेढ अर्ब रुपैयाँ निर्धारण भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1750408513.jpg)
-1749826086.png)
