बुटवल– रुपन्देही रोहीणी गाउँपालिकाका ५० वर्षीय लक्ष्मण प्रसाद हरिजन आइतबार जिल्ला प्रहरी कार्यालयको परिसरमा भेटिए। हातमा फाइल बोकेका उनी म्यादी प्रहरीको आवेदन दिने लाइनमा पुगे। हरिजन पहिलोपटक म्यादीमा आवेदन दिन लागेका होइनन्। यो उमेरसम्म आइपुग्दा उनले दुईवटा निर्वाचनमा म्यादी प्रहरी भएर काम गरिसकेका छन्।
उनी पहिलोपटक २०७० सालको दोस्रो संविधानसभा निर्वाचनमा म्यादी भएका थिए। दोस्रोपटक २०७४ को आमनिर्वाचनमा म्यादी भएका उनी तेस्रोपटक म्यादीको लाइनमा भेटिए।
हरिजन भन्छन्, ‘अब मेरो यो अन्तिम पटक हो। अहिलेसम्म दुईपटक म्यादी प्रहरी बनेर काम गरिसकेँ। यसपटक म्यादी भए भनेँ अर्कोपटक उमेरले पनि दिँदैन।’
लक्ष्मणजस्तै म्यादीको आवेदन दिन लाइनमा भेटिइन् रुपन्देहीको सियारी गाउँपालिकाकी ४० वर्षीया अमृता थापा। उनी दोस्रोपटक म्यादी प्रहरीमा भर्ना हुनका लागि आवेदन दिन पुगेकी थिइन्।
1664162361.jpg)
‘आफ्नो कमाइको महत्त्व नै अर्कै हुन्छ। मेरो श्रीमानले कमाउन त राम्रै कमाउनुहुन्छ। तर, मेरो आफ्नो कमाइको अर्थ बेग्लै हुँदो रहेछ’, अमृता भन्छिन्।
समाजमा बढ्दो बेरोजगारी र गरिबीका कारण पनि म्यादी प्रहरीतर्फ आकर्षित भएका छन्। छोटो समयका लागी भएपनि रोजगारी पाइने र नयाँ अनुभव हुने भएपछि म्यादी प्रहरी बन्न इच्छुकहरू धेरै देखिए।
तिनैमध्येका एक हुन्–२४ वर्षीय सुनिल यादव। जसको सपना नेपाल प्रहरी बन्ने थियो। तर, उमेर धेरै भइसक्यो। अहिले प्रहरी बन्ने सपना पूरा गर्न म्यादी प्रहरीको लागि आवेदन दिन आएको सुनिल बताउँछन्।
‘नेपाल प्रहरीमा काम गर्ने इच्छा थियो। तर, गर्न सकिएन। त्यसैले प्रहरी बन्ने इच्छा पूरा गर्न म्यादी प्रहरीमा आवेदन दिन आएको हुँ’, सुनिलले भने।
1664162396.jpg)
आगामी मंसिर ४ गते हुने प्रतिनिधि सभा तथा प्रदेश सभा निर्वाचनका लागि रुपन्देहीमा म्यादी प्रहरीमा भर्ना हुनका लागि ५० वर्षीय पाका व्यक्ति र युवाहरू मात्र होइन गृहणी महिलाहरुमा पनि आकर्षण देखिएको जिल्ला प्रहरी कार्यालयले जनाएको छ।
आइतबारसम्म रुपन्देहीमा ९ हजार ८ सय जनाले दरखास्त दिएका छन्। जिल्ला प्रहरी कार्यालय रुपन्देहीका प्रवक्ता, प्रहरी नायब उपरिक्षक श्यामु अर्यालका अनुसार म्यादी प्रहरीमा २ हजार ३ सय ४७ महिलाले आवेदन बुझाएका छन् भने ७ हजार ४ सय ६३ जना पुरुषले आवेदन दिएका छन्।
1664162437.jpg)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1763913168.png)
-1763912864.png)
-1763721444.png)
-1763559424.jpg)
-1763559424.jpg)
