२० पटकका ग्रान्डस्लाम विजेता फेडेररले लिए सन्यास

अन्य

नेपाल लाइभ आइतबार, असोज ९, २०७९ ०९:३५

काठमाडौं– रोजर फेडेररले टेनिस खेलबाट सन्यास लिएका छन्। शनिबार लाभर कपमा हार ब्यहोरेसँगै फेडेररले सन्यासको घोषणा गरेका हुन्।

आफ्नो करिअरको अन्तिमम खेलमा उनले आफ्ना चिरप्रतिद्वन्द्वी राफेल नाडालसँग जोडीको रुपमा खेलेका थिए।

४१ वर्षीय फेडेररले एक हप्ता पहिला नै सन्यास लिने घोषणा गरेका थिए। उक्त घोषणा अनुसार शनिबारको खेलपछि उनले खेल जीवनबाट सन्यास लिएका हुन्।

इतिहासका उत्कृष्ट खेलाडी फेडेरर २० पटक ग्रान्डस्लाम विजेता हुन्। घुँडामा लागेको चोटका कारण उनी लामो समय मैदान बाहिर रहँदै आएका थिए।

‘यो एक अविस्मरणीय दिन हो। म दु:खी छैन, खुशी नै छु। मैले यहाँसम्मको यात्रा गरेँ म एकदमै खुशी छु’, सन्यासको घोषणा गर्दै गर्दा फेडेररले भने, ‘राफलसँग करिअरको अन्तिम खेल खेल्न पाउनु मेरा लागि उत्कृष्ट क्षण हो। यहाँ उपस्थित सबै महान खेलाडीहरुलाई धन्यवाद दिन चाहान्छु।’

फेडेरर र राफलले ग्रान्डस्लाममा पुरुषतर्फको ४२ ग्रान्डस्लाम एकल उपाधि जितेका छन्। नाडाल र फेडेररले सन् २००४ मा एक अर्कासँग प्रतिस्पर्धा गरेका थिए।

सन् २००४ देखि उनीहरुले ४० पटक एक अर्कामा प्रतिस्पर्धा गरे। जसमा ९ खेल ग्रान्डस्लाम फाइनलका थिए। ४० खेलमा नाडालले २४ र फेडेररले १६ खेल जित्ने कीर्तिमान राखेका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पोखरा जाँदै गरेको बोलेरो टिपरसँग ठोक्किँदा एक जनाको मृत्यु

कङ्गोमा डुङ्गामा आगलागी हुँदा १४३ जनाको मृत्यु

जेठ १५ गते गणतन्त्र अन्त्य हुन्छ : जगमान गुरुङ