विराटनगर– गण्डकी प्रदेशमा आयोजना हुने नवौं राष्ट्रिय खेलकुद प्रतियोगितामा सहभागी हुन प्रदेश नं. १ बाट शारीरिक सुगठनका १० जना खेलाडी छनोट भएका छन्।
झापाको विर्तामोडमा भएको प्रदेशस्तरीय शारीरिक सुगठन छनोट प्रतियोगितामा प्रदेश नं. १ का नौ जिल्लाका २९ जना खेलाडीमध्येबाट १० जना छनोटमा परेका हुन्।
फाइनल राउन्डमा प्रदेश नं. १ का नौ जिल्लाका २९ जना खेलाडीले ५५ केजी, ६० केजी, ६५ केजी, ७० केजी, ७५ केजी, ८० केजी र ८० केजीभन्दा माथिको तौल समूहमा प्रतिस्पर्धा गरेका थिए।
प्रदेश नं. १ स्तरीय शारीरिक सुगठन छनोट प्रतियोगिताको ५५ केजी तौल समूहमा अजय राजवंशी (झापा), ६० केजी तौल समूहमा सन्देश राई (झापा), ६५ केजी तौल समूहमा मनोज कटवाल( उदयपुर), ७० केजी तौल समूहबाट पवन भट्टराई (पाँचथर), ७५ केजी तौल समूहबाट निखिल ताम्राकार (उदयपूर) र ८०केजी तौल समूहबाट शौरभ मगर (मोरङ) छानिएका छन्।
यस्तै ७० केजी मुनि मेन फिजिक्समा अवतार श्रेष्ठ (सुनसरी), ७० केजीभन्दा माथि तौल समूहमा देवराज पराजुली ( खोटाङ), महिलातर्फ रुपा तामाङ (सुनसरी) र महिला ‘बडी बिल्डर’मा रजनी श्रेष्ठ छनोट भएको छनोट समितिले जानकारी दिएको छ।
प्रतियोगिताका विजेता खेलाडीहरुलाई विर्तामोड नगरपालिकाकी मेयर पबित्रा महतरा प्रसाईं, झापा जिल्ला खेलकुद विकास समितिका अध्यक्ष प्रशान्त भण्डारी, उपाध्यक्ष गंगा भूर्तेल, राष्ट्रिय खेलकुद परिषद् शारीरिक सुगठनका प्रमुख प्रशिक्षक राजेन्द्रत्न तुलाधर, शारीरिक सुगठनका केन्द्रीय उपाध्यक्ष रणबहादुर थेवे लगायतले मेडल र प्रमाणपत्र प्रदान गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
