काठमाडौं– बहुप्रतीक्षित चलचित्र ‘प्रेम गीत–३’ शुक्रबारदेखि प्रदर्शनमा आएको छ। नेपालसँगै विभिन्न देशमा चलचित्र प्रदर्शनमा आएको हो।
भारतसहितका केही देशमा हिन्दी भाषामा प्रदर्शन गरिएको छ। भारतका थिएटरमा नेपाली सिनेमा हिन्दीमा डबिङ भएर रिलिज भएको यो नै पहिलो चलचित्र हो।
नेपालमा भने नेपाली संस्करण मात्रै प्रदर्शनमा आएको छ। हिन्दी संस्करण केही दिनमा प्रदर्शनमा आउने निर्माता एवं निर्देशक सन्तोष सेनले जानकारी दिए।
‘प्रेम गीत–३’ विश्वभरका १२ सय थिएटरमा प्रदर्शनमा आएको सनेले दाबी गरे। भारतमा मात्र ५ सयभन्दा धेरै हलमा रिलिज भएको निर्माण पक्षको दाबी छ।
सन्तोष सेन र छेतेन गुरुङको संयुक्त निर्देशन रहेको चलचित्रमा प्रदीप खड्का र कृष्टिना गुरुङ मुख्य भूमिकामा छन्। प्रेम पुरी, मनिष राउत, सुनिल थापा, शिव श्रेष्ठ, लक्ष्मी बर्देवा, जीवन भट्टराई, अनुभव रेग्मी लगायतका कलाकारको पनि यसमा अभिनय छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
