सेनाले सुरु गर्‍यो दशैंलक्षित नि:शुल्क बस र हवाई सेवा

समाचार

नेपाल लाइभ आइतबार, असोज २, २०७९ १७:३५

काठमाडौं– दशैंलाई लक्षित गर्दै नेपाली सेनाले नि:शुल्क बस र हवाई सेवा सञ्चालनमा ल्याएको छ।

दशैंमा घर जाने बहालवाला सेना तथा उनीहरुका परिवारलाई लक्षित गर्दै सेनाले नि:शुल्क बस र हवाई सेवा सञ्चालनमा ल्याएको हो।

सडक सञ्जाल पुगेका स्थानहरुसम्म बसमार्फत् नि:शुल्क सेवा दिने र सडक सञ्जाल नभएका ठाउँहरुमा हवाई सेवा दिने सैनिक मुख्यालय जंगी अड्डाले जनाएको छ।

भदौ २९ गतेदेखि सुरु गरिएको हवाई सेवामार्फत् अहिलेसम्म १३४ जनालाई गन्तव्यमा पुर्‍याइएको सेनाले जनाएको छ। बस सेवा भने असोज ४ गतेबाट सञ्चालनमा ल्याइने छ।

सैनिक कल्याणकारी सेवा अन्तर्गत यो सुविधा उपलब्ध गराइएको सेनाले जनाएको छ । गत वर्ष हवाईमार्फत् ११२ जना र बसमार्फत् १ हजार ४५२ जना सैनिक तथा उनका परिवारले यो सुविधा लिएका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

संविधान संशोधनका लागि कार्यदल बनाएर काम सुरु भइसक्यो : उपप्रधानमन्त्री सिंह

प्रतितोला एकसयले घट्यो सुनको मूल्य

चाडपर्वले राष्ट्रिय एकतालाई थप मजबुत बनाउन सहयोग पुग्छ : राष्ट्रपति पौडेल