काठमाडौं- देशका विभिन्न स्थानमा भएको सवारी दुर्घटनामा परी दुई जनाको मृत्यु भएको छ।
सोमबार पूर्वपश्चिम राजमार्गमा पर्ने सप्तरीको शम्भुनाथ नगरपालिका–५ मोहनपुरमा मोटरसाइकल दुर्घटनामा परेर एक महिलाको मृत्यु भएको छ। सप्तरीको बोदेबसाइन नगरपालिका–२ बस्ने ४५ वर्षीया अञ्जनादेवी यादव रहेको जिल्ला प्रहरी कार्यालय सप्तरीले जनाएको छ।
पश्चिमबाट पूर्वतर्फ जाँदै गरेको २–०१–००२ प ३९९३ नम्बरको मोटसाइकल दुर्घटना यादव गम्भीर घाइते भएकी थिइन्। उनको उपचारका लागि रुपनी गाउँपालिका–५ रायपुरस्थित युनिक अस्पताल ल्याउने क्रममा मृत्युु भएको हो। दुर्घटनामा उनका श्रीमान मोटरसाइकल चालक मोहन यादव समान्य घाइते भएको प्रहरीले जनाएको छ। तीव्र गतिमा रहेको मोटरसाइकलले कुकुरलाई बचाउने क्रममा दुर्घटना भएको अनुमान गरिएको छ।
यस्तै झापाको भद्रपुरमा ट्रकको ठक्करबाट आज एक महिलाको मृत्यु भएको छ । अन्य तीन घाइते भएका छन्।
भद्रपुर–२ र ३ स्थित देउनियाँ पुलमा पृथ्वीनगरबाट भद्रपुरतर्फ आउँदै गरेको प्रदेश १–०१–००१ ख ३६५९ नम्बरको ट्रकले विपरीत दिशातर्फ जाँदै गरेकी भद्रपुर–२ की ३५ की तुलसा खवास लामा र उनको छोरी दुई वर्षीया रुक्साना लामालाई ठक्कर दिएको जिल्ला प्रहरी कार्यालय झापाले जनाएको छ। ट्रकको ठक्करबाट गम्भीर घाइते तुलसाको उपचारका क्रममा भद्रपुरस्थित प्रादेशिक अस्पतालमा मृत्यु भएको हो।
ठक्कर दिएपछि ट्रक अनियन्त्रित भई पुलबाट खोलामा खसेको थियो। खस्दा ट्रकका सहचालक जिल्ला झापा बिर्तामोड–२ का २४ वर्षीय अनिल हस्दा र ५२ वर्षीय बुद्धलाल राजवंशीसमेत घाइते भएका छन्।
घाइते बालिकासहित तीनै जनाको बिर्तामोडस्थित बीएण्डसी अस्पतालमा उपचार भइरहेको छ। ट्रक चालक पाँचथर हिलिहाङ–६ का २४ वर्षीय योगेश सिटौलालाई प्रहरीले नियन्त्रणमा लिएर अनुसन्धान गरिरहेको प्हरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775575666.png)
