काठमाकडौं– नेपाल उद्योग वाणिज्य महासंघ र विज्ञापन बोर्डको संयुक्त तत्वावधानमा विज्ञापन आचार संहिता र विज्ञापनको राष्ट्रिय नीतिका विषयमा छलफल भएको छ।
विज्ञापन बोर्डले केही महिना अघिमात्र विज्ञापन उत्पादन, वितरण, प्रकाशन तथा प्रसारणसम्बन्धी आचारसंहिता, २०७९ सार्वजनिक गरेको थियो। विज्ञापनको राष्ट्रिय नीतिको तयारीमा काम गरिरहेको सो अवसरमा जानकारी गराइयो। विज्ञापन आचारसंहितको प्रभावकारी कार्यान्वयनमा विज्ञापनदाताहरूको प्रतिवद्धता र विज्ञापनको राष्ट्रिय नीतिका सम्बन्धमा सुुझाव लिने उद्देश्यले आयोजना गरिएको कार्यक्रमलाई महासंघका अध्यक्षले सम्बाेधन गर्दै आचारसंहिताको प्रभावकारी कार्यान्वयनमा महासंघका तर्फबाट सहयोग रहने प्रतिवद्धता जनाएका छन्।
आइतबार महासंघ सचिवालयमा आयोजना गरिएको कार्यक्रममा अध्यक्ष गोल्छाले अर्थतन्त्रको विस्तारका लागि महासंघले अगाडि बढाएको राष्ट्रिय आर्थिक रुपान्तरण भिजन पेपरको कार्यान्वयनबाट नेपालमा विज्ञापन बजारको दायरालाई फराकिलो पार्ने कार्यमा समेत ठूलो सहयोग पुुग्ने धारणा राखेका छन्। जतिबढी अर्थतन्त्र फस्टाउन गयो, उद्योग व्यवसाय बढे, नेपाल समृद्धितर्फ जान सकेमा विज्ञापन व्यवसाय पनि फस्टाउने बताए ।
व्यवसाय फस्टाउन सके मात्र सबै क्षेत्रमा दायरा फराकिलो हुने हुँदा अर्थतन्त्र विस्तारमा सबैको सहयोग सहकार्य अपरिहार्य हुनेमा उनको जोड थियो।
‘अर्थतन्त्र संकुचन हुँदा उद्योग, व्यापार, व्यवसाय र बिज्ञापन व्यवसाय पनि संकुचन हुने कुरालाई हामीले प्रत्यक्षरुपमा भोग्दै आएका छौं’ अध्यक्ष गोल्छाले भने ‘करिब पौने १५ अर्बको विज्ञापन बजार यदि अवस्था सहज भइदिएको भए आजको दिनसम्म करिब २० अर्बको हाराहारी पुुग्ने थियो तर कोभिडका कारण यसमा ठूलो धक्का लाग्न गयो।’
कुल विज्ञापनमा स्वदेशी विज्ञापनको अंश करिव ६० प्रतिशत र विदेशी विज्ञापनको अंश करिव ४० प्रतिशत रहेको तथ्यांक राख्दै अध्यक्ष गोल्छाले विज्ञापन सम्बन्धी नीति, कानुन, आचार संहिताको प्रभावकारी कार्यान्वयन हुन सकेमा यो क्षेत्रको भविष्य निकै राम्रो रहेको अध्यक्ष गोल्छाले बताए।
बोर्डका कार्यकारी अध्यक्ष लक्ष्मण हुमागाईं आचारसंहिताको प्रभावकारी कार्यान्वयनमा विज्ञापनदाता र महासंघको सहयोग बोर्डका लागि महत्वपूर्ण रहने बताए। बोर्डका कार्यकारि अध्यक्ष हुमागाईँले विज्ञापन व्यवसायलाई स्वच्छ मर्यादित, पारदर्शी र प्रतिस्पर्धी बनाउने उद्देश्यले विज्ञापनको राष्ट्रिय नीति ल्याउन खोजिएको समेत स्पष्ट पारे।
कार्यक्रममा महासंघको कार्यकारिणी समितिका सदस्य रंजितराज आचार्य, महासंघका पूर्ववरिष्ठ उपाध्यक्ष भाष्करराज राजकर्णिकार, नेपाल विज्ञापन संघका अध्यक्ष सोमप्रसाद धितालले आचारसंहिताको प्रभावकारी कार्यान्वयन हुन सके विज्ञापन व्यवसायमा देखिएका विकृतिहरु स्वतः निष्क्रिय भई समग्र विज्ञापन व्यवसायको वृद्धिमा सहयोग पुुग्ने धारणा राखे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775575666.png)
